বিহাৰ নিৰ্বাচন: হাছানপুৰত মনোনয়ন দাখিল তেজ প্ৰতাপৰ

আৰজেদি দলৰ নেতা তথা লালু প্ৰসাসৰ পুত্ৰ তেজ প্ৰতাপে হাছানপুৰত মনোনয়ন দাখিল কৰে । সমষ্টিটোৰ বৰ্তমানৰ বিধায়ক জেদিইউ দলৰ ৰাজ কুমাৰ ৰায়ৰ বিৰুদ্ধে যুঁজ দিব তেজ প্ৰতাপে ।

নিউজ ডেস্ক, ১৪ অক্টোবৰ : বিহাৰৰ প্ৰাক্তন স্বাস্থ্য মন্ত্ৰী তথা লালু প্ৰসাদৰ পুত্ৰ তেজ প্ৰতাপে সমষ্টিপুৰ জিলাৰ হাছানপুৰ বিধানসভা সমষ্টিৰ পৰা মনোনয়ন দাখিল কৰে । মনোনয়ন দাখিলৰ সময়ত ভায়েক তেজস্বী যাদৱৰ লগতে সমৰ্থক সকল উপস্থিত থাকে ।

ৰছেৰাস্থিত মহকুমাধিপতিৰ কাৰ্য্যালয়ত মনোনয়ন দাখিল কৰে তেজ প্ৰতাপে । আনহাতে মনোনয়ন দাখিলৰ সময়ত সমৰ্থকসকলৰ মাজত পৰিলক্ষিত নহ'ল সামাজিক দুৰত্ব ।

২০১৫ ত বৈশালী জিলাৰ মাহুৱা সমষ্টিৰ পৰা জয়ী হৈছিল তেজ প্ৰতাপ । তেজ প্ৰতাপে জেডিইউ বিধায়ক ৰাজ কুমাৰ ৰায়ৰ বিৰুদ্ধে যুঁজ দিয়াৰ লগতে তেজস্বীয়ে বিজেপিৰ সতীশ কুমাৰৰ বিৰুদ্ধে যুঁজ দিব যিয়ে ২০১০ত তেওঁৰ মাতৃ ৰাবৰী দেৱীক হৰুৱাছিল ।

দ্বিতীয় পৰ্যায়ত ৩ নৱেম্বৰত হাছানপুৰত নিৰ্বাচন অনুষ্ঠিত হ'ব ।