থলুৱা লোকসকলৰ বাবে ‘কেব’ ভয়ংকৰ বিপদঃ বাইছুং ভুটিয়া

‘আমিও নিজৰ সংস্কৃতি আৰু পৰিচয় ৰক্ষাৰ বাবে চেষ্টা অব্যাহত ৰাখিছো ৷ চিক্কিমতো গৰিষ্ঠ সংখ্যক শৰণাৰ্থীৰ সোঁত অব্যাহত আছে ৷ মই অসম আৰু ত্ৰিপুৰা থলুৱা লোকসকলৰ শংকাৰ কথা উপলব্ধি কৰিব পাৰো ৷ যেতিয়া 1975 চনত আমি ভাৰতৰ অন্তৰ্ভুক্ত হৈছিলো সেই সময়ত ইয়াত থলুৱা লোকৰ সংখ্যা আছিল 50 শতাংশ,যি এতিয়া হ্ৰাস পাই 20 শতাংশ হৈছেগৈ৷’-বাইছুং ভুটিয়া

নতুন দিল্লী, 13 ডিচেম্বৰঃ ভাৰতীয় ফুটবল দলৰ প্ৰাক্তন অধিনায়ক বাইছুং ভুটিয়াই কেবৰ ওপৰত মন্তব্য কৰি কয় যে,‘নাগৰিকত্ব সংশোধনী আইন’ থলুৱা লোকসকলৰ বাবে ভয়ংকৰ বিপদ’ ৷ "আমি শংকিত যে,নাগালেণ্ড,মণিপুৰ,মিজোৰাম আদিৰ উত্তৰ-পূৰ্বাঞ্চলৰ ৰাজ্যসমূহৰ দৰে ছিক্কিমৰ কথা বিধেয়কখনত কোনোধৰণৰ উল্লেখ নাই"-এ এন আইৰ সৈতে হোৱা সক্ষাৎকাৰত হামৰো ছিক্কিম পাৰ্টীৰ প্ৰতিষ্ঠাতাগৰাকীয়ে এই বুলি মন্তব্য কৰে ৷

বৃহস্পতিবাৰে মাজনিশা ভাৰতৰ ৰাষ্ট্ৰপতি ৰামনাথ কোবিন্দে বিধেয়কখনত স্বাক্ষৰ প্ৰাদান কৰাৰ পিছতেই বিধেয়কখন আইনলৈ প্ৰৱৰ্তন হয় ৷ পদ্মশ্ৰী তথা অৰ্জুন বঁটা বিজয়ী খেলুৱৈগৰাকীয়ে কয় যে,‘আমি লিখিতভাৱে বিচাৰো যে আমি বিধেয়কখনৰ পৰা বাহিৰত থাকো ৷ এই ক্ষেত্ৰত আমি হতাশ যে,বিধেয়কখনত লিখিতভাৱে তেনে কোনো কথাৰ উল্লেখ নাই’ ৷ কেবৰ বিৰুদ্ধে হৈ থকা প্ৰতিবাদৰ বিষয়ে সোধা প্ৰশ্নৰ উত্তৰত তেখেতে কয় যে, "এইয়া দুৰ্ভাগ্য" ৷ ‘আমিও নিজৰ সংস্কৃতি আৰু পৰিচয় ৰক্ষাৰ বাবে চেষ্টা অব্যাহত ৰাখিছো ৷ ছিক্কিমতো গৰিষ্ঠ সংখ্যক শৰণাৰ্থীৰ সোঁত অব্যাহত আছে ৷ মই অসম আৰু ত্ৰিপুৰাৰ থলুৱা লোকসকলৰ শংকা উপলব্ধি বুজিব পাৰিছো ৷ যেতিয়া 1975 চনত আমি ভাৰতৰ অন্তৰ্ভুক্ত হৈছিলো সেই সময়ত ইয়াত থলুৱা লোকৰ সংখ্যা আছিল 50 শতাংশ,যি এতিয়া হ্ৰাস পাই 20 শতাংশ হৈছেগৈ ৷’

আনহাতে বিধেয়কখন সংসদত উত্থাপন কৰি কেন্দ্ৰীয় গৃহমন্ত্ৰী অমিত শ্বাহে কৈছিল যে,‘আমি ছিক্কিমৰ অধিকাৰত হস্তক্ষেপ নকৰো,কাৰণ ছিক্কিমখন 371এফ অনুচ্ছেদৰ অন্তৰ্ভুক্ত ৷ সংসদে কেবৰ নিয়মসমূহৰ পুষ্টি নকৰা পৰ্যন্ত ছিক্কিম উক্ত অনুচ্ছেদৰ অংশ হৈ থাকিব ৷ গতিকে এইক্ষেত্ৰত তেঁওলোকে উদ্বিগ্ন হোৱাৰ কোনে কাৰণ নাই ৷’ বিভাগীয় তথ্য অনুসৰি উক্ত আইনখনে অসম, মেঘালয়,মিজেৰাম আৰু ত্ৰিপুৰাৰ সংবিধানৰ ষষ্ঠ অনুসূচীৰ অন্তৰ্ভুক্ত জনজাতীয় অঞ্চলসূহৰ লগতে ‘ইনাৰ লাইন’ৰ অনুমতি থকা ঠাইসমূহক অন্তৰ্ভুক্ত নকৰে ৷

উল্লেখ্য যে,কেব গৃহীত হোৱাৰ লগে লগেই উত্তৰ-পূৰ্বাঞ্চলীয় ৰাজ্যসমূহ বিশেষকৈ অসমত ভয়ংকৰ পৰিস্থিতিৰ সৃষ্টি হৈছে ৷ প্ৰাতিবাদে হিংসাৰ ৰূপ ধাৰণ কৰাৰ বাবে ৰাজ্য খনৰ কেইবাখনো ঠাইতো সান্ধ্য আইন জাৰি কৰা হৈছে ৷

লগতে পঢ়ক- কোনো কাৰণতে কেব মানি নলওঁ : শিল্পী সুদক্ষিণা শৰ্মা