নিউজ ডেস্ক, 7 অক্টোবৰ :কেন্দ্ৰীয় সংৰক্ষিত আৰক্ষী বাহিনীৰ অন্যতম সংস্থা ৰেপিড এক্চন ফৰ্চৰ আজি 28 সংখ্যক স্থাপনা দিৱস ৷ 1992 চনত দেশৰ আভ্যন্তৰীণ সুৰক্ষাৰ লগতে গৃহ-যুদ্ধ আৰু গোষ্ঠীসংঘৰ্ষৰ সৈতে মোকাবিলা কৰিবলৈ 1 টা বেটালিয়নৰ সৈতে ইয়াক স্থাপন কৰা হৈছিল ৷
1992চনৰ 7 অক্টোবৰত স্থাপনা কৰা এইটো বিশেষ বাহিনীয়ে বৰ্তমানে দেশৰ বহুকেইটা স্থানত নিজৰ কৰ্ম দক্ষতাৰে পালন কৰিবলৈ সক্ষম হৈছে ৷ পৰৱৰ্তী সময়ত ইয়াক 10 টা বেটালিয়নৰ সৈতে যুক্ত কৰা হয় আৰু অধিক শক্তিশালী কৰিবলৈ 2018ৰ 1 জানুৱাৰীত অতিৰিক্তভাৱে 5টা স্থায়ী বেটালিয়ন যুক্ত কৰা হয় ৷ বৰ্তমানে বাহিনীটোত 15টা বেটালিয়ন আছে ৷ বাহিনীটোৰ 83, 103, 104, 108, 194, 97, 99, 100, 102, 105, 91, 101, 106, 107 আৰু 114 বেটালিয়নক ৰেপিড এক্চন ফৰ্চৰ অন্তৰ্ভুক্ত কৰা হৈছে আৰু প্ৰতিটো বেটালিয়নকে 106 গৰাকীকৈ মহিলা জোৱানেৰে সংযুক্ত কৰা হৈছে ৷