হিমন্ত বিশ্ব শৰ্মাক ক’লা পতাকা প্ৰদৰ্শন আছু কৰ্মীৰ
গোলাঘাটত ক'লা পতাকাৰ সন্মুখীন হ'ল মন্ত্ৰী হিমন্ত বিশ্ব শৰ্মা । গোলাঘাটৰ জেনেৰেল ফিল্ডত হেলিকপ্টাৰ যোগে অৱতৰণ কৰাৰ পিছতেই বাইক ৰেলীৰে উষা গৰঙা বাগান খেলপথাৰৰ যোগদান সভাৰ অভিমুখে ৰাওনা হয় মন্ত্ৰী গৰাকী ৷ বাইক ৰেলীৰ সময়তে আছু সদস্যই ক’লা পতাকা প্ৰদৰ্শন কৰে মন্ত্ৰীগৰাকীক । গোলাঘাট জিলা আছুৰ কাৰ্যালয়ৰ সন্মুখেৰে পাৰ হৈ আহোঁতেই কা বিৰোধী বিভিন্ন শ্ল'গানেৰে পৰিৱেশ উত্তাল কৰি তোলে আছুৰ সদস্য সকলে। মন্ত্ৰী হিমন্ত বিশ্ব শৰ্মাই নিজেই স্কুটি চলাই বাইক ৰেলীৰ আগে আগে অহা পৰিলক্ষিত হয় ৷
দেশীয় দুটাকৈ প্ৰতিষেধকৰে ভাৰতে মানৱতা ৰক্ষা কৰিবলৈ সাজু: প্ৰধানমন্ত্ৰী
16 সংখ্যক প্ৰবাসী ভাৰতীয় দিৱসৰ লগত সংগতি ৰাখি অনুষ্ঠিত কৰা সন্মিলনত অংশগ্ৰহণ কৰে দেশৰ প্ৰধানমন্ত্ৰী নৰেন্দ্ৰ মোডীয়ে ৷ মোডীয়ে উক্ত সন্মিলনত প্ৰদান কৰা ভাষণত ভাৰতে দেশত নিৰ্মিত দুটাকৈ প্ৰতিষেধকৰে মানৱতা ৰক্ষা কৰিবলৈ সাজু বুলি ব্যক্ত কৰে ৷ ছিৰাম ইনষ্টিটিউট আৰু ভাৰত বায়’টেকৰ দ্বাৰা প্ৰস্তুত কৰি উলিওৱা প্ৰতিষেধক ব্যৱহাৰৰ ক্ষেত্ৰত ইতিমধ্যে অনুমোদন লাভ কৰা হৈছে ৷
নলবাৰীত পথ দুৰ্ঘটনাত থিতাতে নিহত এজন
নলবাৰীৰ সন্ধেলীত সংঘটিত পথ দুৰ্ঘটনা ৷ দুৰ্ঘটনাটোত থিতাতে নিহত এগৰাকী স্কুটী আৰোহী ৷ আৰোহীগৰাকী অনিল বৰ্মন বুলি চিনাক্ত ৷
কৰ’ণাৰ সাম্ভাৱ্য নতুন প্ৰবাহক লৈ আমেৰিকাত সতৰ্কতা জাৰি
আমেৰিকা যুক্তৰাষ্ট্ৰত অধিক সংখ্যক সংক্ৰমিত ক’ভিড 19ৰ ঘটনা পোহৰলৈ আহিব পাৰে বুলি সতৰ্কতা জাৰি কৰিছে হোৱাইট হাউচৰ টাস্ক ফ’ৰ্চে ৷ টাস্ক ফ’ৰ্চে কয় যে,শেহতীয়াকৈ বৃদ্ধি পোৱা কৰ’ণা ৰোগীৰ সংখ্যা গ্ৰীষ্ম আৰু বসন্তকালত আক্ৰান্ত ৰোগীৰ সংখ্যাৰ দুগুণ ৷
ৰাইজৰ সমৰ্থন দেখি মই অখিলৰ অভাৱ অনুভৱ কৰা নাই:প্ৰিয়দা গগৈ
ৰাইজৰ দলৰ অভিৱৰ্তনৰ অন্তিম দিনৰ কাৰ্যসূচীত উপস্থিত হয় কৃষক নেতা তথা ৰাইজৰ দলৰ সভাপতি অখিল গগৈৰ মাতৃ প্ৰিয়দা গগৈ ৷ অখিল গগৈ কাৰাবন্দী হৈ আছে যদিও তেওঁৰ প্ৰতি ৰাইজৰ সমৰ্থন দেখি পুত্ৰৰ পৰা আতৰত থকাৰ দুঃখ অনুভৱ কৰা নাই বুলি মন্তব্য কৰে অখিলৰ মাতৃয়ে ৷ ইয়াৰ উপৰিও অনাগত দিনসমূহতো সকলোকে লগে ভাগে থকাৰ বাবেও আহ্বান জনায় প্ৰিয়দা গগৈয়ে ৷ আগন্তুক বিধানসভা নিৰ্বাচনৰ বাবেও দলটোৰ লগতে পুত্ৰ অখিল গগৈক আশীৰ্বাদ কৰা বুলি কয় অখিল গগৈৰ মাতৃ প্ৰিয়দা গগৈয়ে ৷