Crimes against women : "ভগ্নী আৰু কন্যাসকলৰ সৈতে দুৰ্ব্যৱহাৰ কৰা লোকক ফাঁচী দিয়া হ’ব": শিৱৰাজ সিং চৌহান

মহিলাৰ বিৰুদ্ধে অপৰাধৰ ক্ষেত্ৰত কঠোৰ স্থিতি মধ্যপ্ৰদেশৰ মুখ্যমন্ত্ৰী শিৱৰাজ সিং চৌহানৰ ৷ তেওঁ কয় যে বিজেপিক পুনৰ ভোট দিলে মহিলাৰ সৈতে দুৰ্ব্যৱহাৰ কৰা সকলক ফাঁচী দিয়া হ'ব।

নেশ্যনেল ডেস্ক, 23 অক্টোবৰ:"কন্যা আৰু ভগ্নীসকলৰ সৈতে দুৰ্ব্যৱহাৰ কৰাসকলক এৰি দিয়া নহ'ব, তেনেকুৱা লোকসকলক ফাঁচী দিয়া হ’ব ৷ যদি প্ৰয়োজন হয়, তেওঁলোকৰ সম্পত্তি ধ্বংস কৰিবলৈ বুলডোজাৰও চলাব লগা হ’ব পাৰে ৷" এই মন্তব্য প্ৰকাশ কৰে মধ্যপ্ৰদেশৰ মুখ্যমন্ত্ৰী শিৱৰাজ সিং চৌহানে ৷

দেওবাৰে মহা অষ্টমীৰ দিনটোত মহিলাৰ বিৰুদ্ধে অপৰাধৰ ক্ষেত্ৰত কঠোৰ স্থিতি আগবঢ়ায় মুখ্যমন্ত্ৰীগৰাকীয়ে ৷ তেওঁ লগতে কয় যে বিজেপিক পুনৰ ভোট দিলে মহিলাৰ সৈতে দুৰ্ব্যৱহাৰ কৰা সকলক ফাঁচী দিয়া হ'ব।

মুখ্যমন্ত্ৰীগৰাকীৰ এই মন্তব্যৰ পিচতে সমগ্ৰ ৰাজ্যখনতে তীব্ৰ প্ৰতিক্ৰিয়াৰ সৃষ্টি হৈছে ৷ ইয়াৰ পূৰ্বে, কংগ্ৰেছৰ ৰাজ্যিক মুৰব্বী তথা প্ৰাক্তন মুখ্যমন্ত্ৰী কমল নাথে উজ্জয়িনীত এগৰাকী নাবালিকাক বলাৎকাৰ কৰাৰ অভিযোগত বিজেপি চৰকাৰক তীব্ৰ সমালোচনা কৰিছিল ৷ বৰ্তমানৰ শাসনকালত ৰাজ্যখন "চৌপত প্ৰদেশ" (ধ্বংসপ্ৰাপ্ত ৰাজ্য)লৈ পৰিগণিত হৈছে বুলি প্ৰাক্তন মুখ্যমন্ত্ৰীগৰাকীয়ে মন্তব্য প্ৰকাশ কৰিছিল ৷

লগতে তেওঁ কৈছিল যে, এনে ধৰণৰ বহুতো ঘটনা ঘটিছে , যিসমূহৰ বিষয়ে আমি জ্ঞাত নহয় আৰু কোনোধৰণৰ প্ৰতিবেদন দাখিল কৰা হোৱা নাই ৷ ৰাজ্যখনত এনে ধৰণৰ আৰু বহুতো ঘটনা আছে যাৰ বিষয়ে আমাৰ হাতত তথ্য নাই ৷ বৰ্তমান সময়ত মধ্য প্ৰদেশখন বিধ্বংসী ৰাজ্যলৈ পৰিৱৰ্তিত হৈছে ৷

আনকি, কংগ্ৰেছ নেতা ৰণদীপ সুৰজেৱালাইও পূৰ্বে ৰাজ্যখনৰ বিজেপি চৰকাৰক আক্ৰমণ কৰি কয় যে, "মুখ্যমন্ত্ৰী শিৱৰাজ সিং চৌহানে ৰাজ্যখনক ধ্বংসৰ পথলৈ অগ্ৰসৰ কৰিছে । ৰাজ্যখনত ক্ৰমাৎ মহিলাৰ বিৰুদ্ধে অপৰাধ বৃদ্ধি পাইছে। কিন্তু তাৰ পিচতে নীৰৱ হৈ আছে চৰকাৰ ৷" কংগ্ৰেছৰ এনে আক্ৰোশমূলক মন্তব্যৰ পিচতেই এতিয়া নাৰী অপৰাধৰ বিৰুদ্ধে সৰৱ হৈ পৰিছে মুখ্যমন্ত্ৰীগৰাকী ৷

লগতে পঢ়ক:Mallikarjun Kharge: পাঁচোখন ৰাজ্যতে চৰকাৰ গঠন কৰিব কংগ্ৰেছে; মল্লিকাৰ্জুন খাৰ্গে