নেশ্যনেল ডেস্ক, ১৬ ছেপ্টেম্বৰ :কেৰালাত অব্যাহত আছে নিপা ভাইৰাছৰ ত্ৰাস ৷ ত্ৰমাৎ কেৰালাত বৃদ্ধি পাইছে নিপা ভাইৰাছৰ সংক্ৰমণৰ সংখ্যা ৷ নিপা ভাইৰাছৰ সংক্ৰমণৰ পৰিপ্ৰেক্ষিততে কেৰেলাৰ কোজিকোডৰ সকলো শিক্ষানুষ্ঠান অহা দেওবাৰ (২৪ ছেপ্টেম্বৰ)অৰ্থাৎ এসপ্তাহৰ বাবে বন্ধ ৰখাৰ নিৰ্দেশনা দিয়া হৈছে ৷ শুকুৰবাৰে জিলা প্ৰশাসনে জাৰি কৰে এই নিৰ্দেশনাটো ৷
স্বাস্থ্যমন্ত্ৰী বীণা জৰ্জে উল্লেখ কৰা মতে, বৰ্তমান সময়ত সংক্ৰমিত লোকৰ সংখ্যা ১,০৮০ জন ৷ ইয়াৰে শুকুৰবাৰৰ দিনটোত ১৩০ জন লোক নতুনকৈ আক্ৰান্ত হৈছে । নিপা ভাইৰাছত আক্ৰান্ত হোৱা লোকৰ ভিতৰত ৩২৭ জন লোকেই স্বাস্থ্যকৰ্মী বুলি জানিব পৰা গৈছে । এই তথ্য সদৰী কৰিছে বীণা জৰ্জে ৷
স্বাস্থ্যমন্ত্ৰীগৰাকীয়ে দিয়া তথ্য অনুসৰি, ৩০ আগষ্টত মৃত্যু হোৱা ব্যক্তিজনৰ স্বাস্থ্যপৰীক্ষা আৰু তেজৰ নমুনা পৰীক্ষা কৰাত পজিটিভ ৰিপ’ৰ্ট লাভ কৰা হৈছিল ৷ এই ৰিপ’ৰ্ট লাভ কৰাৰ পাচতে তেওঁৰ সংস্পৰ্শত অহা লোকৰ সন্ধানত নামি পৰে জিলা স্বাস্থ্য বিভাগ ৷ শেহতীয়াকৈ লাভ কৰা খবৰ অনুসৰি, নিপা ভাইৰাচত আক্ৰান্ত হৈ মৃত্যু হোৱা লোকজনৰ সংস্পৰ্ত অহা ব্যক্তিৰ সংখ্যা বৃদ্ধি পোৱাৰ সম্ভাৱনা আছে ৷