বৰ্ষীয়ান ৰাজনীতিক গুণীন হাজৰিকাৰ আশীৰ্বাদ ল'লে কাজিৰঙাৰ কংগ্ৰেছ প্ৰাৰ্থী ৰ'জলীনা তিৰ্কীয়ে - Lok Sabha Election 2024
Published : Apr 4, 2024, 7:34 PM IST
কলিয়াবৰ, ৪ এপ্ৰিল: প্ৰাক্তন অগপ মন্ত্ৰীৰ বাসভৱনত কাজিৰঙা লোকসভা সমষ্টিৰ কংগ্ৰেছ প্ৰাৰ্থী ৰ'জলীনা তিৰ্কী । কলিয়াবৰত দিনজোৰা নিৰ্বাচনী প্ৰচাৰৰ মাজতে ৰ'জলীনা তিৰ্কী উপস্থিত হ'ল ৰাজ্যৰ প্ৰাক্তন মন্ত্ৰী গুণীন হাজৰিকাৰ বাসভৱনত । ৰাজনৈতিক পথাৰত এসময়ৰ প্ৰতিদ্বন্দ্বী হ'লেও এতিয়া ৰাজনীতিৰ পৰা দূৰত অৱস্থান গ্ৰহণ কৰা প্ৰাক্তন মন্ত্ৰী গুণীন হাজৰিকাৰ বাসভৱনত উপস্থিত হ'ল ৰ'জলীনা ।
কলিয়াবৰত দিনজোৰা নিৰ্বাচনী প্ৰচাৰৰ মাজতে ৰ'জলীনা তিৰ্কী উপস্থিত হয় প্ৰফুল্ল মহন্ত চৰকাৰত দুবাৰকৈ মন্ত্ৰিত্ব লাভ কৰা ৰাজ্যৰ প্ৰাক্তন উদ্যোগ আৰু বাণিজ্য মন্ত্ৰী গুণীন হাজৰিকাৰ বাসভৱনত । কলিয়াবৰৰ উলুৱনীস্থিত বাসভৱনত সৌহাৰ্দপূৰ্ণ বাৰ্তালাপত মিলিত হয় নেত্ৰীগৰাকী । কলিয়াবৰৰ এগৰাকী জ্যেষ্ঠ ৰাজনৈতিক ব্যক্তি হিচাপে তেখেতৰ বাসভৱনত দেশৰ লোকসভা নিৰ্বাচনৰ প্ৰাকক্ষণত আশীৰ্বাদ লৈ সুখী অনুভৱ কৰা তিৰ্কীয়ে কয়, "দেউতাৰ দিনৰে পৰা গুণীন হাজৰিকাদেৱৰ লগত এক সৌহাৰ্দপূৰ্ণ সম্পৰ্ক আছে । সেই সম্পৰ্ক ৰক্ষা কৰিয়েই প্ৰাক্তন মন্ত্ৰীগৰাকীৰ পৰা আশীৰ্বাদ বিচাৰিছোঁ ।"
লগতে পঢ়ক: হোজাইৰ বজাৰত ৰ'জলীনাই আঙুৰ-তৰমুজ কিনিলেও, খুৱালেও - Lok Sabha election 2024