হায়দৰাবাদ: 2025 চনৰ 17 জানুৱাৰীৰ পৰা 22 জানুৱাৰীলৈ অনুষ্ঠিত হ’বলগীয়া ইণ্ডিয়া ম’বিলিটি এক্সপ’ৰ বাবে ভাৰতীয় অটোমোবাইল উদ্যোগ সম্পূৰ্ণৰূপে সাজু হৈছে । এই অনুষ্ঠানত বহু আগশাৰীৰ বাহন নিৰ্মাতাই নিজৰ বাহন প্ৰদৰ্শন কৰিবলৈ ওলাইছে । এই তালিকাত চাৰিচকীয়া বাহনৰ লগতে দুচকীয়া বাহনকো অন্তৰ্ভুক্ত কৰা হৈছে ।
বহু দুচকীয়া বাহন নিৰ্মাতাই এই প্ৰদৰ্শনীত নিজৰ আকৰ্ষণীয় মডেল উপস্থাপন কৰিবলৈ সাজু হৈছে । ইয়াৰ ভিতৰত মটৰ চাইকেল আৰু স্কুটাৰ দুয়োখনেই আছে । দেশৰ আগশাৰীৰ দুচকীয়া বাহন নিৰ্মাতা কোম্পানী যেনে হিৰো মট’কৰ্প, ইয়ামাহা আৰু চুজুকিয়ে হয়তো তেওঁলোকৰ পেট্ৰ’ল স্কুটাৰ প্ৰদৰ্শন কৰিব পাৰে । ইয়াত আমি আপোনালোকক প্ৰদৰ্শিত হ’বলগীয়া কিছুমান স্কুটাৰৰ বিষয়ে ক'বলৈ ওলাইছো--
হিৰো Xoom 125R আৰু 160R
থলুৱা দুচকীয়া বাহন নিৰ্মাতা কোম্পানী হিৰো মট’কৰ্পে EICMA 2024 ত ইয়াৰ আন দুচকীয়া বাহনৰ সৈতে এই দুখন স্কুটাৰ প্ৰদৰ্শন কৰিব ৷ ঘৰুৱা দুচকীয়া বাহন নিৰ্মাতা কোম্পানীটোৱে ইণ্ডিয়া ম’বিলিটি গ্ল’বেল এক্সপ’ 2025 ত নিজৰ স্প’ৰ্টী 125 স্কুটাৰ হিৰো এক্স’ম 125R প্ৰদৰ্শন কৰিব ৷
ইয়াৰ উপৰিও কোম্পানীটোৱে আন এখন ডাঙৰ স্প’ৰ্টী আৰু এডভেঞ্চাৰ স্কুটাৰ Hero Xoom 160Rও প্ৰদৰ্শন কৰিব পাৰে । এই স্কুটাৰখনত কোম্পানীয়ে 160 CC ৰ ডাঙৰ ইঞ্জিন দিব, যিটো পাৰফৰমেন্সৰ ক্ষেত্ৰত অধিক শক্তিশালী হ’ব আৰু উন্নত শক্তি আউটপুটৰ সৈতে আহিব । ভাৰতীয় বজাৰত মুকলি কৰাৰ পিছত এই স্কুটাৰখনে ইয়ামাহা এৰক্স 155 ৰ সৈতে প্ৰতিযোগিতাত অৱতীৰ্ণ হ’ব ।