নেশ্যনেল ডেস্ক, ১১ মে’ :শুকুৰবাৰে এডিটিভ মেনুফেকচাৰিং (Additive Manufacturing চমুকৈ AM) প্ৰযুক্তিৰ সহায়ত নিৰ্মিত লিকুইড ৰকেট ইঞ্জিনৰ সফল উষ্ণ পৰীক্ষাৰ জৰিয়তে ভাৰতীয় মহাকাশ গৱেষণা সংস্থাই আন এক কৃতিত্ব অৰ্জন কৰে । ব্যৱহৃত ইঞ্জিনটো হৈছে PSLV আপাৰ ষ্টেজৰ PS4 ইঞ্জিন ।
গতানুগতিক মেচিনিং আৰু ৱেল্ডিং পথত নিৰ্মিত PS4 ইঞ্জিনটো PSLV ৰ চতুৰ্থ পৰ্যায়ৰ বাবে ব্যৱহাৰ কৰা হৈছে ৷ যি ৭.৩৩ কিলোনেটৰ থ্ৰাষ্টৰ ভেকুৱাম অৱস্থাত আছে । PSLV ৰ প্ৰথম পৰ্যায়ৰ (PS1) ৰিয়েকচন কণ্ট্ৰল চিষ্টেম (RCS)তো একেটা ইঞ্জিন ব্যৱহাৰ কৰা হয় ।
মহাকাশ সংস্থাটোৰ মতে, এই ইঞ্জিনটোত অক্সিডাইজাৰ হিচাপে নাইট্ৰজেন টেট্ৰ’ক্সাইড (Nitrogen Tetroxide) আৰু ইন্ধন হিচাপে মনো মিথাইল হাইড্ৰাজিনৰ (Mono Methyl Hydrazine) পৃথিৱীত সংৰক্ষণ কৰিব পৰা বাইপ্ৰ’পেলেণ্ট সংমিশ্ৰণক চাপযুক্ত পদ্ধতিত ব্যৱহাৰ কৰা হৈছে আৰু ইয়াক লিকুইড প্ৰপালচন চিষ্টেমছ চেণ্টাৰ (LPSC), ইছৰোৱে নিৰ্মাণ কৰিছিল ।
LPSC য়ে ইঞ্জিনটোক নতুন ডিজাইন কৰি ডিজাইন ফৰ এডিটিভ মেনুফেকচাৰিং (Design for Additive Manufacturing চমুকৈ DfAM) ধাৰণাটোৰ অনুকূল কৰি তুলিছিল ৷ যাৰ ফলত যথেষ্ট সুবিধা লাভ কৰিছিল । ব্যৱহৃত লেজাৰ পাউদাৰ বেড ফিউজন কৌশলে ১৪টাৰ পৰা একক টুকুৰালৈ অংশৰ সংখ্যা হ্ৰাস কৰিছে আৰু ১৯টা ৱেল্ড জইণ্ট নাইকিয়া কৰিছে, যাৰ ফলত প্ৰতিটো ইঞ্জিনৰ কেঁচামালৰ ব্যৱহাৰত যথেষ্ট ৰাহি হৈছে (৫৬৫ কিলোগ্ৰাম ফৰ্জিঙৰ তুলনাত ১৩.৭ কিলোগ্ৰাম ধাতুৰ পাউদাৰ আৰু গতানুগতিক উৎপাদন প্ৰক্ৰিয়াৰ বাবে শ্বীট) আৰু সামগ্ৰিক উৎপাদন সময়ত ৬০% হ্ৰাস পাইছে বুলি ইছৰোৱে জনায় ।
ইঞ্জিনটোৰ নিৰ্মাণ ভাৰতীয় উদ্যোগত (M/s WIPRO 3D) কৰা হৈছিল আৰু ইঞ্জিনটো মহেন্দ্ৰগিৰিৰ ISRO Propulsion Complex ত উষ্ণতাত পৰীক্ষা (hot tested) কৰা হৈছিল ।