গুৱাহাটী :গুৱাহাটী মহানগৰীৰ ৰাজপথ-উপ-পথত জধে-মধে চলাচল কৰা ই-ৰিক্সাই জটিল পৰিস্থিতিৰ সৃষ্টি কৰিছে । মহানগৰীৰ ব্যস্ততাপূৰ্ণ পথবোৰত ই-ৰিক্সা চলাৰ ফলত সময়ে সময়ে তীব্ৰ যান-জঁটৰ সৃষ্টি হৈ আহিছে । তদুপৰি মহানগৰীৰ ঘাইপথ-উপ-পথত চলাচল কৰা ই-ৰিক্সাৰ বাবে সংঘটিত হৈছে ইটোৰ পিচত সিটো দুর্ঘটনা ।
এনে দুর্ঘটনাত বহুলোকে অকাল মৃত্যুক সাবটি লোৱাৰ বিপৰীতে কেইবাজনো ঘূণীয়া হৈছে । ৰাজপথত বৃদ্ধি পোৱা ই-ৰিক্সাই সৃষ্টি কৰা জটিল পৰিস্থিতিৰ অৱসান ঘটাবলৈ আঞ্চলিক পৰিবহণ প্ৰাধিকাৰীয়ে সোমবাৰে এক নিৰ্দেশনা জাৰি কৰিছে ।
এই নিৰ্দেশনা অনুসৰি এতিয়াৰে পৰা গুৱাহাটীৰ ৩১ টা পথতহে চলিব পাৰিব ই-ৰিক্সা । সোমবাৰে আঞ্চলিক পৰিবহণ প্ৰাধিকাৰীয়ে ই-ৰিক্সাৰ বাবে নিৰ্ধাৰণ কৰা পথকেইটাৰ তালিকা প্রকাশ কৰিছে । একমাত্ৰ সুৰক্ষিত যাতায়াত আৰু যান-জঁট ৰোধৰ বাবেই আঞ্চলিক পৰিবহণ প্রাধিকাৰীয়ে এই কঠোৰ ব্যবস্থা গ্রহণ কৰিছে ।
- মহানগৰীৰ কোন কেইটা পথত চলিব ই ৰিক্সা
- গুৱাহাটী শোধনাগাৰৰ পৰা ছেক্টৰ-১, ছেক্টৰ-২, নিজৰাপাৰলৈ
- পানীখাইতী ৰে'লৱে ক্ৰছিঙৰ পৰা ডিগাৰুলৈ
- ডিগাৰুৰ পৰা সোণাপুৰলৈ
- সোণাপুৰ বজাৰৰ পৰা মৰগ দুলা, উৰাল, কমলাজাৰী হৈ ১৪ মাইললৈ, সোণাইগাঁও সৰুটাৰিলৈ
- পাঞ্জাবাৰী জুৰিপাৰৰ পৰা সাত গাঁৱলৈ
- পাঞ্জাবাৰী চিটি বাছ ষ্টপৰ পৰা গুৱাহাটী পাব্লিক স্কুল, বতাহঘুলিলৈ
- বাঘৰবৰী তিনিআলিৰ পৰা সাতগাঁও বুধবৰীয়া বজাৰলৈ
- ক্ষেত্ৰী বজাৰৰ পৰা বেঙেনাবাৰী, শালনি, মালৈবাৰী, তেতেলীয়ালৈ
- কইনাধৰাৰ পৰা পাটৰকুছিলৈ
- বশিষ্ঠ মন্দিৰৰ পৰা গণেশনগৰ, বৰপথাৰলৈ
- গড়চুকৰ পৰা পামহি, দীপৰ বিল, পাটগাঁও বি এছ এফ কেম্প, ডিপিএছলৈ
- সাতমাইলৰ পৰা অসম অভিযান্ত্রিক মহাবিদ্যালয় হৈ বিজ্ঞান আৰু প্রযুক্তিবিদ্যা প্রতিষ্ঠানলৈ
- সুন্দৰবড়ীৰ পৰা সাতমাইল,বিজ্ঞান আৰু প্রযুক্তিবিদ্যা প্রতিষ্ঠানলৈ
- পাটগাঁও বি এছ এফ কেম্পৰ পৰা ৰাণী, এক'লেগুল
- এয়াৰপ'ৰ্টৰ পৰা গড়ললৈ
- ধাৰাপুৰৰ পৰা গড়ললৈ
- এয়াৰপ'ৰ্টৰ পৰা কাঁহিকুছিলৈ
- মূলপথৰ পৰা উপ-পথৰ শেষ পইন্টলৈ
- দক্ষিণ গাঁৱৰ পৰা সোণাইঘুলিলৈ
- হেঙেৰাবাৰী পাব্লিক হেল্থৰ পৰা গাহৰিকটা চ'ক, জাপৰিগোগলৈ
- লালমাটিৰ পৰা বৈকুণ্ঠপুৰলৈ
- সিজুবাৰী মাজাৰৰ পৰা দক্ষিণ গাঁৱলৈ
- পাথৰকুঁৱেৰীৰ পৰা সাতগাঁও, বাঘৰবৰী তিনিআলিলৈ
- সাউকুছিৰ পৰা এন ই এফ ল' কলেজ হৈ ঘোৰামাৰালৈ
- লালমাটিৰ পৰা এ জি পইন্টলৈ
- এ জি পইণ্টৰ পৰা জয়ানগৰৰ ৰিলায়েন্স মার্কেটলৈ
- শেৱালি পথৰ পৰা মেঘমল্লাৰ কমপ্লেক্স হৈ ন'টবমালৈ
- দাতালপাৰাৰ পৰা ছাউথ পইন্ট স্কুললৈ
- আদাবাৰী কাটিয়া দলঙৰ পৰা জয়মতী নগৰ হৈ পাণ্ডু প'র্টলৈ
- গণেশ টার্নিঙৰ পৰা জনকপুৰলৈ
- খেৰাইকুছিৰ পৰা চন্দন নগৰ হৈ বেহাৰবাৰী, হকী ষ্টেডিয়াম হৈ সাউকুছিলৈ
- নিৰ্ধাৰিত ৩১ টকা পথত ই ৰিক্সা চলাবলৈ চালকে কি নিয়ম মানিব লাগিব
- এতিয়াৰে পৰা প্ৰতিজন ই-ৰিক্সা চালকে নির্ধাৰিত পথত খাকী পোছাক পিন্ধি ই-ৰিক্সা চলাব লাগিব
- তদুপৰি প্ৰতিজন চালকৰ থাকিব লাগিব পুলিচ ভেৰিফিকেচনৰ প্ৰমাণপত্র
- এয়াই নহয়, চালকৰ লগতে ই-ৰিক্সাৰ অনুজ্ঞাপত্ৰও জৰুৰী হিচাপে বিবেচিত হৈছে
- পৰিবহণ প্ৰাধিকাৰীয়ে নিৰ্ধাৰণ কৰি দিয়া পথত নচলালে বা চালকৰ পোছাক পৰিধান নকৰিলে লগতে চালকৰ পুলিচ ভেৰিফিকেচন-অনুজ্ঞাপত্ৰ আদি নাথাকিলে যান-বাহন আইন অনুসৰি দণ্ডনীয় হ'ব
