গুৱাহাটী, ২৯ জানুৱাৰী : লোকসভা নিৰ্বাচনত এইবাৰ ধুবুৰীৰ ৰাইজে এ আই ইউ ডি এফৰ ধুবুৰী লোকসভাৰ সাংসদ বদৰুদ্দিন আজমলক প্ৰত্যাখান কৰিব ৷ সোমবাৰে সংবাদ মাধ্যমৰ আগত এই দাবী কংগ্ৰেছ নেতা ৰকিবুল হুছেইনৰ । তেওঁ কয় যে মুখ্যমন্ত্ৰী হিমন্ত বিশ্ব শৰ্মাৰ লগত থকা মিতিৰালিৰ বাবে ধুবুৰীৰ ৰাইজে আজমলক প্ৰত্যাখান কৰিব ।
তেওঁ কয়, ‘‘আজমল হিমন্ত বিশ্ব শৰ্মাৰ প্ৰাৰ্থী সেই কথা এতিয়া সকলোযৱে বুজি পাইছে’’ । তেওঁ কয়, ‘‘মুখ্যমন্ত্ৰী হিমন্ত বিশ্ব শৰ্মাই বদৰুদ্দিন আজমলক বদু ভাই বুলি মাতে । হিমন্ত বিশ্ব শৰ্মাৰ বাবে বদু ভাই এইবাৰ নিৰ্বাচনত হাৰিব । আজমলৰ চল চাতুৰি ৰাইজে বুজি পোৱা হৈছে । আজমলে হিমন্ত বিশ্ব শৰ্মাক দেশৰ শ্ৰেষ্ঠ মুখ্যমন্ত্ৰী বুলি কয়’’ ।
লগতে ৰকিবুল হুছেইনে কয়, ‘‘শৰ্মা প্ৰকৃত বিজেপি নহয় । চল চাতুৰি কৰি শৰ্মাই বিজেপিৰ মুখ্যমন্ত্ৰী হৈছে । মুখ্যমন্ত্ৰীৰ হিমন্ত বিশ্ব শৰ্মাৰ দিল্লীত অৱস্থা থৰক বৰক । যাৰ বাবে প্ৰকৃত বিজেপি বুলি শৰ্মাই নিজক প্ৰমাণ কৰাৰ চেষ্টা কৰি থাকে’’ ।