ৰাজ্যৰ দুচকীয়া আৰু তিনিচকীয়া বাহনৰ জৰিমনাৰ ক্ষেত্ৰত বহুখিনি ৰেহাই প্ৰদান কৰা ৰাজ্য চৰকাৰৰ কেবিনেট সিদ্ধান্ত সন্দৰ্ভত ইটিভি ভাৰতৰ তৰফৰ পৰা সাধাৰণ বাইক চালক অথবা তিনিচকীয়া বাহন চালকৰ কিছু মতামত সংগ্ৰহৰ চেষ্টা কৰা হৈছিল । এইক্ষেত্ৰত দুচকীয়া আৰু তিনিচকীয়া বাহনৰ চালকসকলে মুখ্যমন্ত্ৰী ড৹ হিমন্ত বিশ্ব শৰ্মা চৰকাৰৰ এই কেবিনেট সিদ্ধান্তক আদৰণি জনাইছে যদিও আন একাংশই চৰকাৰৰ এই সিদ্ধান্ত আগন্তুক পঞ্চায়ত আৰু বিধানসভা নিৰ্বাচনকেন্দ্ৰিক সিদ্ধান্ত বুলিও ক'ব বিচাৰিছে ।
উল্লেখ্য যে লোকসভা নিৰ্বাচনত অসমৰ ১৪ খন আসনৰ ১১ খন আসনেই বিজেপি মিত্ৰজোঁটে দখল কৰিবলৈ সক্ষম হ'লেও ৰাজ্যত কংগ্ৰেছৰ উত্থানে কিছু হ'লেও যে শাসকীয় দলটোক শংকিত কৰি তুলিছে তাৰেই ফলস্বৰূপে এতিয়া জৰিমনা ৰেহাইৰ সিদ্ধান্ত গ্ৰহণ কৰা বুলিও একাংশৰ মাজত চৰ্চা হোৱা দেখা গৈছে ।
