গুৱাহাটী, ১ মাৰ্চ :লোকসভা নিৰ্বাচনৰ প্ৰাকমুহূৰ্তত অসম আৰক্ষী বিভাগত ব্যাপক ৰদ-বদল কৰা হৈছে । ৰাজ্যপালৰ নিৰ্দেশমৰ্মে অসম চৰকাৰৰ গৃহ বিভাগে শুকুৰবাৰে আৰক্ষী বিভাগত বিভিন্ন বিষয়াৰ বদলিৰ নিৰ্দেশ দিছে । গৃহ বিভাগৰ নিৰ্দেশ মতে অসম আৰক্ষীৰ দুৰ্নীতি নিবাৰক শাখাৰ (আইন) আৰক্ষী অধীক্ষক বৰুণ পুৰকায়স্থক অসম আৰক্ষীৰ দুৰ্নীতি নিবাৰক শাখাৰ-১ ৰ আৰক্ষী অধীক্ষক হিচাপে নিযুক্তি দিয়া হৈছে ।
লোকসভা নিৰ্বাচনৰ পূৰ্বে অসম আৰক্ষীত ব্যাপক ৰদ বদল কাহিলিপাৰাৰ দশম এ পি বি এনৰ কামাণ্ডেণ্ট বীৰ বিক্ৰম গগৈক অৰ্থনৈতিক অপৰাধ অনুসন্ধান সংস্থা-১ৰ আৰক্ষী অধীক্ষক হিচাপে নিযুক্তি দিয়া হৈছে । ইফালে অসম আৰক্ষীৰ অৰ্থনৈতিক অপৰাধ অনুসন্ধান সংস্থা-১ৰ আৰক্ষী অধীক্ষক শান্তনু শৰ্মা পাঠকক গুৱাহাটীৰ অৰ্থনৈতিক অপৰাধ অনুসন্ধান সংস্থা-২ৰ আৰক্ষী অধীক্ষক হিচাপে নিযুক্তি দিয়া হৈছে ।
লোকসভা নিৰ্বাচনৰ পূৰ্বে অসম আৰক্ষীত ব্যাপক ৰদ বদল একেদৰে গোৱালপাৰাৰ আৰক্ষী অধীক্ষক স্বপ্ননীল ডেকাক এ.পি.এছ.(eCF-270715/1458929/2024-1 তাৰিখ 20.02.2024)ৰ নিদেৰ্শ মতে নগাঁৱৰ আৰক্ষী অধীক্ষক হিচাপে নিযুক্তি দিয়া হৈছে । আনহাতে অৰ্থনৈতিক অপৰাধ অনুসন্ধান সংস্থা-২ ৰ আৰক্ষী অধীক্ষক হৃদয়জিৎ বৰ্মনক সতৰ্কতা আৰু দুৰ্নীতি বিৰোধী শাখাৰ আৰক্ষী অধীক্ষক (আইন) হিচাপে নিযুক্তি দিয়া হৈছে ।
নলবাৰীৰ দৌলাশালত থকা ১৪ নং এ. পি. বি.এনৰ কামাণ্ডেণ্ট ধৰ্মেন্দ্ৰ কুমাৰ দাসক কাহিলিপাৰাৰ দশম এ. পি. বি. এনৰ কামাণ্ডেণ্ট হিচাপে নিযুক্তি দিয়া হৈছে । নগাঁৱৰ আৰক্ষী অধীক্ষক নৱনীত মহন্তক গোৱালপাৰাৰ আৰক্ষী অধীক্ষক হিচাপে নিযুক্তি দিয়া হৈছে । ইফালে তিনিচুকীয়াৰ অতিৰিক্ত আৰক্ষী অধীক্ষক (এছ এণ্ড আই ) মইদুল ইছলামক বঢ়মপুৰৰ নৱম এ. পি. বি. এনৰ -চেকেণ্ড ইন-কামাণ্ড হিচাপে নিযুক্তি দিয়া হৈছে ।
লগতে পঢ়ক :সুদলৈ লৈছিল 1 লাখ টকা, সুদখোৰক এতিয়ালৈকে দিছে 7 লাখৰো অধিক