যোৰহাট, 6 মাৰ্চ: মন্ত্ৰীৰ কনভয়ৰ বাবে বহু সময় পথত আৱদ্ধ হৈ থাকিবলগীয়া হ’ল ৰোগী কঢ়িওৱা এম্বুলেঞ্চ ৷ উল্লেখ্য যে, দুদিনীয়া ভ্ৰমণসূচীৰে 8 আৰু 9 মাৰ্চত যোৰহাট আৰু কাজিৰঙালৈ আহিব প্ৰধানমন্ত্ৰী নৰেন্দ্ৰ মোদী । ফলত যোৰহাটলৈ সঘন আহ-যাহ ঘটা পৰিলক্ষিত হৈছে নেতা-মন্ত্ৰীৰ ।
কিন্তু মন্ত্ৰীসকলৰ যোৰহাট ভ্ৰমণৰ সময়ত সংঘটিত হোৱা এক ঘটনাই সকলোকে স্তম্ভিত কৰি তুলিছে । কাৰণ যোৰহাট নগৰৰ তৰাজানত মন্ত্ৰী বা প্ৰশাসনৰ ধমক খোৱাৰ ভয়ত যোৰহাট আৰক্ষীয়ে সংঘটিত কৰিলে এক নিকৃষ্ট কাণ্ড । মন্ত্ৰীৰ কনভয় শৃংখলিতভাবে পাৰ হৈ যোৱাৰ বাবে আৰক্ষীয়ে আৱদ্ধ কৰি ৰাখিলে জৰুৰীকালীন সেৱাৰ বাহন ৷
মন্ত্ৰী বাহন তথা কনভয় পাৰ হৈ যোৱাৰ পিছতহে জৰুৰীকালীন এম্বুলেঞ্চসহ সাধাৰণ পথচাৰীক যাবলৈ অনুমতি দিয়া হয় । ফলত এম্বুলেঞ্চত থকা ৰোগীয়ে আৰ্তনাদ কৰিবলগীয়া পৰিস্থিতি উদ্ভৱ হোৱাৰ লগতে সাধাৰণ পথচাৰীয়ে চৰম দুৰ্যোগৰ সন্মুখীন হোৱাৰ এক গুৰতৰ অভিযোগ উথাপিত হৈছে ।