তেজপুৰ,২ অক্টোবৰ:আজি মহালয়া, শৰতৰ আগমনত ধৰালৈ সংগোপনে নামিল মহিষমৰ্দিনী । আৰম্ভ হ'ল দেৱীপক্ষ । মা দুর্গাৰ আৰাধনাৰ বাবে সকলোৱে একত্ৰিত হৈ এইদৰে পিতৃপুৰুষক স্মৰণ কৰি দেৱীৰ আগমনৰ সময়ছোৱাত অশুভ শক্তিক বিনাশ কৰিবলৈ জনালে আহ্বান । আজিৰে পৰা ৰাজ্য মুখৰিত হ'ব দেৱী বন্দনাৰে । পবিত্ৰ মহালয়াৰ আনন্দ-উল্লাস দেখা পোৱা গৈছে তেজপুৰতো । বিভিন্ন শিল্পীসকলে নিজৰ নিজৰ ৰং-তুলিকাৰে মা দুৰ্গা দেৱীৰ বিভিন্ন ৰূপ ধাৰণৰ দৃশ্য অংকন কৰে । মহিলাসকলে নাৰী সুৰক্ষা প্ৰদানৰ ওপৰত নাৰী শক্তিৰ প্ৰতীক হিচাপে দুৰ্গা দেৱীৰ চিত্ৰ অংকন কৰে ।
আনহাতে, শিশুসকলৰ অংশগ্ৰহণ এক উল্লেখনীয় । কাৰণ শিশুশিল্পীসকলে ৰং-পেঞ্চিলৰে মা দূর্গাৰ চিত্ৰ অংকন কৰাত ব্যস্ত । দুৰ্গা পূজাৰ আগে আগে যিটো অমাৱস্যা তিথি পৰে সেই অমাৱস্যা বা আউসী তিথিত মহালয়া অনুষ্ঠিত হয় । এই চিত্ৰশিল্পীসকলে প্ৰত্যেক বছৰেই মহালয়াৰ বিশেষ দিনটোত এইদৰে চিত্ৰ অংকন কৰি সমাজলৈ এক বাৰ্তা প্ৰেৰণ কৰে ।