স্প’ৰ্টছ ডেস্ক, 2 অক্টোবৰ: ভাৰতীয় টেনিছ তাৰকা সুমিত নাগালৰ দুৰ্বল প্ৰদৰ্শন অব্যাহত আছে ৷ ছাংহাই মাষ্টাৰ্ছ টেনিছ প্ৰতিযোগিতাত বুধবাৰে প্ৰথম ৰাউণ্ডত পোনপটীয়া ছেটত পৰাজয়ৰ সন্মুখীন হয় খেলুৱৈগৰাকী ।
27 বছৰীয়া ভাৰতীয় খেলুৱৈগৰাকী চীনৰ ৱু য়িবিঙৰ সন্মুখত তিষ্ঠিব নোৱাৰি 6-3, 6-3 ছেটত পৰাস্ত হোৱাৰ পিছত প্ৰথম ৰাউণ্ডতে অভিযান সামৰিবলগীয়া হয় টেনিছ তাৰকাগৰাকীয়ে ৷
শেহতীয়াকৈ ছুইডেনৰ বিৰুদ্ধে ডেভিছ কাপত অংশগ্ৰহণৰ বাবে অল ইণ্ডিয়া টেনিছ এছ’চিয়েশ্যনৰ সৈতে হোৱা বিবাদৰ বাবে নাগালে দখল কৰিছিল বাতৰিৰ শিৰোনাম ৷ অৱশ্যে একেৰাহে দ্বিতীয়বাৰৰ বাবে প্ৰথম ৰাউণ্ডত পৰাজয়ৰ সন্মুখীন হয় ভাৰতীয় খেলুৱৈগৰাকী ৷
আগষ্ট মাহত নেদাৰলেণ্ডৰ টেলন গ্ৰীকছপুৰৰ হাতত পৰাস্ত হৈ প্ৰথম ৰাউণ্ডত ইউ এছ অ’পেনৰ পৰা বাহিৰ হৈছিল সুমিত নাগাল ৷ ইউ এছ অ’পেনৰ পিছত প্ৰথমবাৰৰ বাবে প্ৰতিযোগিতাত অংশগ্ৰহণ কৰিছিল নাগালে ।