স্প’ৰ্টছ ডেস্ক: খানাপাৰা ক্ৰীড়া আৰু সাংস্কৃতিক সংগঠনে ৰাষ্ট্ৰীয় বেডমিণ্টন প্ৰতিযোগিতাত আগবঢ়োৱা উৎকৃষ্ট প্ৰদৰ্শনৰ বাবে দুগৰাকী খেলুৱৈক সম্বৰ্ধনা জনায় ৷ সংগঠনটোৱে সম্বৰ্ধনা জনোৱা খেলুৱৈ দুগৰাকী হৈছে ক্ৰমে ৰায়হান জামান আৰু হৰ্ষিত গগৈ ৷
দুয়োগৰাকী খেলুৱৈয়ে 2015 চনত স্থাপন হোৱা খানাপাৰা বেডমিণ্টন নাৰ্চাৰীত সম্প্ৰতি প্ৰশিক্ষণ লৈ আছে । অসমৰ বাবে এয়া বৃহৎ সাফল্য যে পূৰ্বতে ৰাজ্যসমূহক প্ৰতিনিধিত্ব কৰা জ্যেষ্ঠ খেলুৱৈসকলৰ তত্বাৱধানত এই নাৰ্চাৰীত যুৱ প্ৰতিভাসকলক প্ৰশিক্ষণ প্ৰদান কৰা হৈছে ।
খানাপাৰা ক্ৰীড়া আৰু সাংস্কৃতিক সংগঠনৰ অনন্য পদক্ষেপ (ETV Bharat Assam) এই নাৰ্চাৰীত প্ৰায় 200 শিশুক প্ৰশিক্ষণ দিয়া হৈছে, যিয়ে স্পষ্ট কৰিছে যে ভৱিষ্যতে ৰাষ্ট্ৰীয় প্ৰেক্ষাপটত ফেৰ মাৰিব পৰাকৈ খেলুৱৈসকলক সাজু কৰি আছে ৷ লগতে অসমৰ বেডমিণ্টন ক্ষেত্ৰখন এই খেলুৱৈসকলৰ হাতত সুৰক্ষিত আছে বুলি প্ৰতিপন্ন কৰিছে ৷
15 নৱেম্বৰ অৰ্থাৎ শুকুৰবাৰে খানাপাৰা ক্ৰীড়া আৰু সাংস্কৃতিক সংগঠনে হৰ্ষিত গগৈ আৰু ৰায়হান জামানক সম্বৰ্ধনা জনায় । দুয়োগৰাকী শ্বাটলাৰক তেওঁলোকৰ পিতৃ-মাতৃৰ সৈতে সম্বৰ্ধনা জনোৱা হৈছিল ।
বেডমিণ্টন খেলুৱৈক সম্বৰ্ধনা (ETV Bharat Assam) কাৰ্যসূচীটোত উপস্থিত আছিল শ্ৰীবালাচাঞ্চৰণ নামৰ গুৱাহাটীস্থিত ৰাষ্ট্ৰীয় উৎকৰ্ষ কেন্দ্ৰৰ উন্নয়ন বিষয়াগৰাকী ৷ বালাচাঞ্চৰণে নিখুঁত অনুশীলন আৰু প্ৰতিযোগিতাৰ লগতে অভিভাৱকক ক্ৰীড়াৰ দিশত সন্তানক আগবঢ়াই দিয়াৰ ক্ষেত্ৰত ল’বলগীয়া প্ৰতিপালনৰ সন্দৰ্ভত বিশেষ ভাষণ প্ৰদান কৰে ৷
জ্যেষ্ঠ ক্ৰীড়া সাংবাদিক প্ৰাৰ্থনা হাজৰিকাকো এই অনুষ্ঠানটোলৈ আমন্ত্ৰণ জনোৱা হৈছিল । ক্ৰীড়া সাংবাদিকগৰাকীয়ে ক্ৰীড়াই কেনেদৰে যুৱচামৰ জীৱনলৈ পৰিৱৰ্তন আনিব পাৰে, নিজ ভাষণৰ জৰিয়তে তাৰ ওপৰত আলোকপাত কৰে ।
ৰাষ্ট্ৰীয় বেডমিণ্টন প্ৰতিযোগিতাত আগবঢ়াইছিল উৎকৃষ্ট প্ৰদৰ্শন (ETV Bharat Assam) শেহতীয়াকৈ হৰ্ষিত গগৈ আৰু ৰায়হান জামানৰ যুটিটোৱে আশ্ৰয় আগৰৱালা (উত্তৰাখণ্ড) আৰু জয়েশ দুগ্গল (হাৰিয়ানা)ৰ যুটিটোক পৰা পৰাস্ত কৰি বিজয়ীৰ মুকুট পৰিধান কৰিবলৈ সক্ষম হৈছিল ৷ অসমৰ যুটিটোৱে প্ৰতিযোগিতাৰ দুয়োটা ছেটত 21-19 ত জয়ী হৈ ডিব্ৰুগড়ত খিতাপ অৰ্জন কৰিছিল ।
লগতে পঢ়ক:দক্ষিণ আফ্ৰিকাৰ বিৰুদ্ধে চতুৰ্থ এদিনীয়াত জয় লাভেৰে টি-20 শৃংখলা দখল ভাৰতৰ
