বাইহাটা: উপ-নিৰ্বাচনক কেন্দ্ৰ কৰি আৰম্ভ হৈছে ৰাজনৈতিক নেতাৰ বাকযুদ্ধ । কেতিয়াবা যদি কংগ্ৰেছ তীক্ষ্ণ বাক্যবাণ, আন কেতিয়াবা আকৌ উভতি ধৰিছে বিজেপি নেতাই । এইবাৰ কংগ্ৰেছক তুলা-ধুনা ৰাজ্যিক বিজেপিৰ সভাপতি ভৱেশ কলিতাৰ । কংগ্ৰেছৰ লগতে এ আই ইউ ডি এফকো সাঙুৰি ল'লে ৰাজ্যিক সভাপতিগৰাকীয়ে ।
সভাপতি কলিতাই কয়, "অসমত এতিয়া এটা জোঁট গঠন হোৱা দেখা পাইছোঁ, কিবা সন্মিলিত মিত্ৰগোষ্ঠী । তেওঁলোকৰ উদ্দেশ্য এটাই, সেইটো হ'ল তেওঁলোকক শাসন কৰিবলৈ লাগে শোষণ কৰিবৰ কাৰণে । আকৌ মুন্না ভাই এ চি এছ মুন্না ভাই এ পি এছ সৃষ্টি কৰাৰ কাৰণে । তেওঁলোকে পাহৰি গ'ল ২০১৬ চনৰ অসম আৰু আজিৰ তাৰিখত অসমৰ অৱস্থা । বিজেপি নেতৃত্বাধীন চৰকাৰখনে পৰিৱৰ্তন কৰি বিকশিত অসমৰ যি ছবি দাঙি ধৰিছে তাৰবাবে অসমৰ ৰাইজে বিজেপিক ভোটদান কৰিব ।"
লগতে ভৱেশ কলিতাই কয়,"তেওঁলোকে মেধাৱীক হত্যা কৰিছিল । তেওঁলোকে মুন্না ভাই এ চি এছ মুন্না ভাই এ পি এছ সৃষ্টি কৰিছিল । মন্ত্ৰী-বিধায়কসকলে তেওঁলোকে নিজৰ ঘৰত তালিকা বনাইছিল । ৰাকেশ পালৰ মুখ্য পৃষ্ঠপোষক আছিল কংগ্ৰেছ দল । পইচা দিলেই এ চি এছ পাইছিল । এতিয়া সেইদিন গ'ল । এতিয়া মেধাৰ ভিত্তিত চাকৰি পাইছে । উঠি অহা প্ৰজন্মই বিজেপি চৰকাৰৰ এই পদক্ষেপক আদৰি লৈছে । কিন্তু কংগ্ৰেছৰ দিনত পুনৰ একেই হ'ব দুটা কিনিলে এটা চাকৰি ফ্ৰী ।"