হায়দৰাবাদ :বৃহস্পতিবাৰে পুৱা বলীউডৰ অভিনেতা ছৈফ খানক তেওঁৰ বান্দ্ৰাৰ ঘৰত এজন অচিনাক্ত আক্ৰমণকাৰীয়ে ছয়বাৰকৈ ছুৰীৰে আঘাত কৰে । জানিব পৰা মতে, চুৰি কৰিবলৈ ছৈফৰ ঘৰত সোমাইছিল আক্ৰমণকাৰী ।
পুৱা প্ৰায় 2.30 বজাত সংঘটিত হয় এই আক্ৰমণৰ ঘটনা । ঘটনাৰ পিছতে ছৈফ আলী খানক ততাতৈয়াকৈ মুম্বাইৰ লীলাৱতী চিকিৎসালয়লৈ লৈ যোৱা হয় । তেওঁৰ অস্ত্ৰোপচাৰ কৰা হয় আৰু চিকিৎসকে ঘোষণা কৰে যে তেওঁৰ অৱস্থা সুস্থিৰ আৰু বিপদৰ বাহিৰত ৷ লীলাৱতী চিকিৎসালয়ৰ আনুষ্ঠানিক বিবৃতিত বৰ্ণনা কৰা হৈছে যে ছুৰীৰে আঘাত কৰা দুটা ঘাঁ গুৰুতৰ আৰু ইয়াৰে এটা তেওঁৰ মেৰুদণ্ডৰ ওচৰত আছে ।
ছৈফ আলী খানৰ ওপৰত হোৱা এই নিৰ্মম আক্ৰমণ বলীউডত একমাত্ৰ নহয়; আন কেইবাগৰাকীও তাৰকা আক্ৰমণ, ভাবুকি আৰু হিংসাত্মক সংঘৰ্ষৰ সন্মুখীন হৈছিল । তলত কেইটামান দুখদায়ক ঘটনাৰ বিৱৰণ দিয়া হৈছে :
1. শ্বাহৰুখ খান
বলীউডৰ ছুপাৰষ্টাৰ শ্বাহৰুখ খান সন্মুখীন হৈছিল ভাবুকিৰ ৷ 2024 চনত এজন অচিনাকি ব্যক্তিয়ে অভিনেতাগৰাকীক ভাবুকিমূলক এছএমএছ প্ৰেৰণ কৰি 50 লাখ টকা দাবী কৰিছিল । আৰক্ষীয়ে ভাষ্য অনুসৰি প্ৰেৰকজনৰ এছ আৰ কেৰ বিৰুদ্ধে নিৰ্দিষ্ট উদ্দেশ্য আছিল যদিও কৰ্তৃপক্ষৰ ক্ষীপ্ৰ নিৰাপত্তাই অভিনেতাজনৰ সুৰক্ষা নিশ্চিত কৰে ।
2. ছলমান খান
ছলমান খানলৈ বাৰে বাৰে অহা মৃত্যুৰ ভাবুকিৰ বিষয়ে সকলো অৱগত ৷ 2024 চনটোত বহুবাৰ ভাবুকি আহিল তেওঁৰ নামত । বিগত বৰ্ষত মটৰচাইকেলত অহা দুজন ব্যক্তিয়ে মুম্বাইত থকা তেওঁৰ গেলেক্সী এপাৰ্টমেণ্টৰ বাসগৃহৰ বাহিৰত গুলীচালনাও কৰিছিল, যি দুজন ব্যক্তি লৰেন্স বিষ্ণৈৰ দলৰ সদস্য বুলি জানিব পৰা গৈছিল । আৰক্ষীয়ে প্ৰকাশ কৰিছিল যে দলটোৱে অভিনেতাজনক হত্যা কৰাৰ ষড়যন্ত্ৰ কৰিছিল ৷ পিছত ছজন সন্দেহজনক লোকক গ্ৰেপ্তাৰ কৰা হয় ।
3.ৰবীনা টেণ্ডন
2024 চনত মুম্বাইত অভিনেত্ৰী ৰবীনা টেণ্ডনৰ বাহনখনে তিনিজন পথচাৰীক খুন্দা মাৰিছিল ৷ এই ঘটনাৰ পিছত অভিনেত্ৰীগৰাকী জনতাৰ আক্ৰমণৰ বলি হৈছিল । জনতাই তেওঁৰ গাড়ীখন ঘেৰি ধৰাৰ লগে লগে ৰবীনাই তেওঁলোকক শান্ত হ'বলৈ আহ্বান জনাইছিল । অভিনেত্ৰীগৰাকীৰ প্ৰচেষ্টা স্বত্বেও, উত্তেজনা বৃদ্ধি পাইছিল আৰু খঙাল জনতাৰ বিৰুদ্ধে তেওঁ থিয় হ’ব লগাত পৰিছিল ।
4. গৌহৰ খান
2014 চনত এটা লাইভ অনুষ্ঠানৰ সময়ত অভিনেত্ৰী তথা টিভি তাৰকা গৌহৰ খান ৰাজহুৱা আক্ৰমণৰ সন্মুখীন হৈছিল যেতিয়া দৰ্শকৰ মাজৰ এজন ব্যক্তিয়ে তেওঁক চৰ শোধাইছিল । ‘অনুপযুক্ত’ পোছাক পিন্ধি ইছলামিক নীতি উলংঘা কৰাৰ অভিযোগেৰে এই কাণ্ড কৰিছিল ব্যক্তিজনে । কেমেৰাত ধৰা পৰা এই ঘটনাই গৌহৰ আৰু দৰ্শকসকলক হতবাক কৰি তুলিছিল । নিৰাপত্তাৰক্ষীসকলে মানুহজনক বাধা দিবলৈ চেষ্টা কৰিছিল যদিও তেওঁ চৰ মাৰিবলৈ সক্ষম হৈছিল ।
5. আকাশ চৌধুৰী
ভাগ্য লক্ষ্মী আৰু স্প্লিটছভিলাত তেওঁৰ চৰিত্ৰৰ বাবে জনপ্ৰিয় অভিনেতা আকাশ চৌধাৰী এক দুৰ্ভাগ্যজনক অগ্নিপৰীক্ষাৰ সন্মুখীন হৈছিল যেতিয়া এজন অসন্তুষ্ট অনুৰাগী তেওঁৰ ওচৰলৈ আহিছিল । অভিনেতাজনৰ সৈতে চেলফি ল’ব নোৱাৰাত অনুৰাগীজনে বিৰক্ত হৈ তেওঁৰ ফালে প্লাষ্টিকৰ বটল এটা দলিয়াই দিছিল । আকাশে অৱশ্যে পৰিস্থিতি বুজি সেই স্থানৰ পৰা গুচি যায় ।
6. প্ৰিয়াংক শৰ্মা
ৰ’ডিজ, স্প্লিটছভিলা, বিগ বছৰ বাবে পৰিচিত ৰিয়েলিটী ষ্টাৰ প্ৰিয়াংক শৰ্মাক শেহতীয়াকৈ গাজিয়াবাদত আক্ৰমণ কৰা হৈছিল । চিকিৎসালয়ত চেকআপৰ বাবে মাকৰ সৈতে ৰৈ থকাৰ সময়তে এজন অচিনাকি ব্যক্তিয়ে তেওঁৰ বিৰুদ্ধে অভিযোগ উত্থাপন কৰে । প্ৰিয়াংকে কোনোমতে আক্ৰমণকাৰীক আঁতৰাই নিবলৈ সক্ষম হয় আৰু তেওঁক চিকিৎসালয়ৰ কৰ্মচাৰীয়ে সহায় কৰে ।
7. জিতু বাৰ্মা
ববী দেওল অভিনীত ছ'লজাৰত জোজোৰ চৰিত্ৰৰ বাবে সুপৰিচিত অভিনেতা জিতু বাৰ্মাক 2017 চনত মাউণ্ট আবুৰ পৰা জয়পুৰলৈ যাওঁতে আক্ৰমণ কৰা হৈছিল । অজ্ঞাত আক্ৰমণকাৰীয়ে তেওঁৰ গাড়ীলৈ শিল নিক্ষেপ কৰিছিল আৰু বেয়াকৈ ক্ষতিগ্ৰস্ত কৰিছিল । জিতুক উদয়পুৰ বিমানবন্দৰলৈ লৈ যোৱা হৈছিল আৰু পিছত চিকিৎসাৰ বাবে মুম্বাইলৈ লৈ যোৱা হৈছিল ।
