مغربی بنگال کے نندی گرام سے بی جے پی کے رکن اسمبلی اور حزب اختلاف کے رہنما شھبندو ادھیکاری کی سیکیورٹی مزید سخت کرنے کا فیصلہ کیا گیا ہے۔ BJP Leader Suvendu Adhikari Gets Z-plus
وزرات داخلہ کے ذرائع کے مطابق بی جے پی کے رکن اسمبلی اور حزب اختلاف کے رہنما شھبندو ادھیکاری کی سیکیورٹی مزید اضافہ کرنے کا فیصلہ کیا ہے۔
ذرائع کے کے مطابق حزب اختلاف کے رہنما شھبندو ادھیکاری کی زیڈ سیکیورٹی کو 10 اپریل سے زیڈ پلس سکیورٹی فراہم کرنے کا فیصلہ کیا گیا ہے۔
اطلاع کے مطابق ان کی سیکیورٹی میں سی آئی ایس ایف،کمانڈوز اور دیگر افسران کی تعداد میں مزید اضافہ کیا جا سکتا ہے۔
دوسری طرف حزب اختلاف کے رہنما شھبندو ادھیکاری نے کہا کہ رامپور ہاٹ سانحہ کے بعد اور اس کے پہلے بھی ریاست مغربی بنگال میں لا اینڈ آرڈر کو لے کر سوال اٹھتا رہا ہے۔ یہاں کوئی محظوظ نہیں ہے۔ آٹھ لوگوں کے قتل کے واقعے سے یہ ثابت ہو گیا ہے۔
انہوں نے کہا کہ ترنمول کانگریس کے رہنما پر دس سے بارہ گھروں میں آگ لگانے کا الزام ہے اور ترنمول کانگریس کی سربراہ اور وزیراعلیٰ ممتا بنرجی معاوضہ اور ملازمت دینے کا اعلان کر رہی ہیں. یہ کیسی پالیسی اور کیسی حکومت ہے۔
دوسری طرف بیربھوم ضلع میں پولیس کی تلاشی مہم کے دوران 40 سے زائد بم برآمد کئے گئے. ضلع کے تمام بلاک میں بڑے پیمانے پر چھاپہ ماری مہم چلائی جا رہی ہے.اس کے علاوہ جنوبی 24 پرگنہ اور شمالی 24 پرگنہ ضلع بروئی پور میں غیر قانونی اسلحہ کارخانوں کے خلاف چھاپہ ماری مہم کے دوران 12 افراد کی گرفتاری عمل میں آئی ہے۔
جبکہ شمالی 24 پرگنہ کے جگتدل تھانہ کے تحت بھاٹ پاڑہ علاقے میں تلاشی مہم کے دوران پانچ لوگوں کی گرفتاری عمل میں آئی ہے۔دونوں اضلاع سے پولیس نے کل 17 لوگوں کی گرفتاری عمل میں آئی جبکہ بھاری تعداد میں اسلحہ برآمد کئے گئے ہیں۔
رامپور ہاٹ سانحہ کے بعد وزیراعلیٰ ممتا بنرجی نے ریاست میں غیر قانونی اسلحہ کارخانوں کے خلاف بڑے پیمانے پر چھاپہ ماری مہم چلانے کی ہدایت دی ہے۔
