خستہ حال سڑک کی مرمت کے لئے ایک گھریلو خاتون نے محاذ کھولا

مشرقی مدنی پور کے مہشادل تھانہ علاقے کی رہائشی یاسمن بی بی نے خستہ حال سڑک کی مرمت کے لئے انتظامیہ کے خلاف محاذ کھول دیا۔ مقامی باشندے بھی اس خاتون کی حمایت میں آگے آئے ہیں۔

مغربی بنگال کے ضلع مشرقی مدنی پور کے مہشادل تھانہ علاقے میں ایک گھریلو خاتون یاسمن بی بی نے خستہ حال سڑک کی مرمت کے لئے محاذ کھول دیا ہے۔

مہشادل تھانہ علاقے میں سڑک کی حالت انتہائی خراب ہونے کی وجہ سے عام لوگوں کو کئی دشواریوں کا سامنا کرنا پڑتا ہے۔

اس تعلق سے یاسمن بی بی نے میڈیا کو بتایا کہ بارش کی وجہ سے سڑک کی حالت ابتر ہوچکی ہے، لوگوں کو اس سڑک پر چلنا مشکل ہوگیا ہے۔ میونسپل کارپوریشن کی توجہ اس جانب مبذول کرانے کی کئی بار کوشش کی گئی لیکن اس پر دھیان نہیں دیا گیا۔

مزید پڑھیں:

وہیں، مقامی باشندوں کا کہنا ہے کہ خستہ حال سڑک کی وجہ سے ایمبولینس، پرائیوٹ ٹیکسی یہاں نہیں آتی ہے۔ ٹوٹو رکشہ والوں کو اضافی کرایہ دے کر مریضوں کو ہسپتال تک لے جانا پڑتا ہے۔

لوگوں کا کہنا تھا کہ ہمیں سڑک کی مرمت کے علاوہ کچھ بھی نہیں چاہیے۔