مغربی بنگال کے ساحلی اضلاع میں رہنے والے عوام کے سامنے یاس طوفان کے بعداب گلاب طوفان(cyclone GULAB ) کا خطرہ درپیش ہے۔ علی پور محکمۂ موسمیات نے آئندہ چوبیس گھنٹوں کے دوران مغربی بنگال میں گلاب نامی طوفان آنے کی پیشین گوئی کی ہے، اس کے لیے ساحلی علاقوں میں رہنے والے لوگوں کو انتباہ دیا گیا ہے۔
مغربی بنگال میں گلاب نامی طوفان کی پیشین گوئی کے مدنظر شمالی 24 پرگنہ اور جنوبی 24 پرگنہ کے ساحلی خلیج بنگال سے متصل اضلاع جنوبی 24 پرگنہ اور شمالی 24 پرگنہ ہائی الرٹ پر ہے۔ ذرائع کے مطابق جنوبی 24 پرگنہ اور شمالی 24 پرگنہ کے ماہی گیروں کو آئندہ 72 گھنٹوں تک کشتی، ٹرالر وغیرہ کو سمندر میں نہ اتارنے کی ہدایت دی گئی ہے۔'
خلیج بنگال( bay of bengal ) کے جنوبی 24 پرگنہ میں واقع بھارتی بحریہ کے دفتر سے موصولہ اطلاع کے مطابق جنوبی 24 پرگنہ اور شمالی 24 پرگنہ سمیت سمندر سے متصل اضلاع کے ریڈ الرٹ جاری کیا گیا ہے۔ انہوں نے کہاکہ اضلاع کے ماہی گیروں (fishermen )کو سمندر میں زیادہ دور نہ جانے کی ہدایت دی گئی ہے۔ ہوائی جہازوں کے ذریعہ ان ماہی گیروں پر نظر رکھی جا رہی ہے تاکہ وقت رہتے انہیں واپس لایا جاسکے۔'
ذرائع کے طوفان میں ان ہی دو اضلاع کو سب سے زیادہ نقصان ہونے کا خطرہ ہو سکتا ہے۔ اس لیے ان علاقوں پر خصوصی نظریں رکھی جا رہی ہے۔
اتوار کی رات ریاست میں طوفان کا اثر دیکھنے کو مل سکتا ہے۔ 26 ستمبر کی رات اور 27 ستمبر کی صبح گلاب طوفان مغربی بنگال کے ساحلی اضلاع سے ٹکرانے کا امکان ہے۔ اس دوران 140 سے 150 کیلو میٹر کی رفتار ہوائیں چلیں گی۔
واضح رہے کہ گزشتہ روز علی پور محکمۂ موسمیات( Alipore metrological department )نے خلیج بنگال میں خطرناک طوفان کی پیشین گوئی کی تھی۔ اس کے ساتھ ساتھ خلیج بنگال میں ہواؤں کا دباؤ گہرا ہو چکا ہے۔
