نکھل جین نے کولکاتا پولیس کی سائبر سیل میں پسندیدہ فون دلانے کے نام پر45 ہزار روپے ٹھگنے والوں کے خلاف شکایت درج کرائی ہے۔
کولکاتا پولیس کی سائبر سیل کے مطابق ترنمول کانگریس کی رکن پارلیمان نصرت جہاں کے شوہر نکھل جین نے جعلسازی کی شکایت درج کرا ئی ہے۔
سائبر سیل نے بتایا کہ نہ صرف نکھل جین بلکہ کولکاتا کے کئی افراد جلعسازگروہ کے شکار بنے ہیں۔پورے کیس کی تفتیش کی جارہی ہے مگر اب تک کسی کی گرفتاری عمل میں نہیں آ ئی ہے۔
سائبر سیل کے افسر نے مزید بتایاکہ کسی نے نکھل جین سے کہا کہ وہ انہیں وی آ ئی پی فون نمبر دلا دیں گے۔ اس کے لیے انہیں کم سے کم 50 ہزار روپے خرچ کرنے پڑیں گے۔نکھل جین بغیر کچھ سوچے سمجھے بڑی رقم جلعسازوں کے حوالے کردیا ۔
