مغربی بنگال میں شہریت ترمیمی ایکٹ، این آ رسی اور این پی آر کے خلاف اور حمایت میں ریلیوں کا سلسلہ جاری ہے ۔ جادب پور علاقے میں شہریت ترمیمی ایکٹ ،این آرسی اور این پی آر کی حمایت میں ریلی کے دوران جی جے پی کے حامیوں اور طلباء کے درمیان جھڑپ ہوگئی
جنوبی کولکاتا کے جادب پور کے آٹھ نمبر بس اسٹینڈ کے قریب شہریت ترمیمی ایکٹ، این آرسی اور این پی آرکی حمایت میں نکالی گئی ریلی کے دوران بی جے پی کے حامیوں اور یونیورسٹی کے طلباء کے درمیان جھڑپ ہو گئی۔
پولیس اور آراے ایف نے جائے وقوع پر پہنچ کر حالات کو قابو میں کیا۔ دونوں جانب سے متعدد حامیوں کو حراست میں لیاگیا۔
پولیس کاکہنا ہے کہ متعدد افراد کوحراست میں لیاگیاپھر بعد میں انہیں رہا کردیا گیا۔ جادب پور یونیورسٹی کے قریب علاقے میں سکیورٹی انتظامات سخت کردیے گیے ہیں۔
جادب پور یونیورسٹی کے طلباء کا کہنا ہے کہ ریلی کے دوران ایک خاتون پرطنز کیاگیا۔طلباء نے جب اس کی مخالفت کی تو بی جے پی کے حامیوں نے حملہ کردیا۔
بی جے پی کے حامیوں کاکہنا ہے کہ رکن پارلیمان شانتین ٹھاکر کی قیادت میں شہریت ترمیمی ایکٹ کی حمایت میں ریلی کا انعقاد کیاگیا تھا۔
انہوں نے کہاکہ ریلی کے دوران رکن پارلیمان تقریرکررہے تھے تبھی جادب پور یونیورسٹی کے طلباء آزادی کے نعرے لگانے لگے۔
