کولکاتا:مغربی بنگال میں پنچایت انتخابات کے لئے ووٹنگ کا سلسلہ جاری ہے۔ گزرتے وقت کے ساتھ ساتھ ریاست کے بیشتر اضلاع میں بھیانک خونی جھڑپوں کا بھی جاری ہے۔ریاست میں تصادم کے دوران اب تک 15 ؛وگوں کی موت ہو چکی ہے جبکہ سینکڑوں لوگوں کے زخمی ہونے کی اطلاع ہے۔ ایک امیدوار سمیت ترنمول کانگریس کے سات کارکن، بھارتیہ جنتا پارٹی اور کمیونسٹ پارٹی آف انڈیا مارکسسٹ کے دو دو اور کانگریس کا ایک کارکن تشدد کے واقعات میں مارا گیا۔شمالی اور جنوبی 24 پرگنہ کے علاوہ مرشد آباد، مالدہ اور کوچ بہار اضلاع بھی تشدد کی زد میں ہیں۔
پرتشدد تصادموں میں لوگوں کی ایک بڑی تعداد کے زخمی ہونے کے علاوہ کم از کم دو پولنگ اسٹیشنوں کے بیلٹ بکسوں کو تباہ کر دیا گیا۔دریں اثنا، صبح 11 بجے تک صرف 22.6 فیصد ووٹ ڈالے گئے، جو دیہی بنگال کی تاریخ میں اب تک کا سب سے کم ووٹ فیصد ہے۔ گورنر سی وی آنند بوس نے ریاست میں پنچایتی انتخابات کے دوران امن و امان کی موجودہ صورتحال پر شدید تشویش کا اظہار کیا۔ انہوں نے کئی علاقوں کا دورہ کیا جہاں پولنگ جاری ہے اور ریاست میں امن و امان کی صورتحال پر اپنے عدم اطمینان کا اظہار کیا۔
یہ بھی پڑھیں:2023 Panchayat Election مغربی بنگال میں پنچایت انتخابات کے دوران سات لوگوں کی موت
گورنر نے پوچھا کہ جمہوریت کے محافظوں کی حفاظت کون کرے گا؟ الیکشن کمیشن کہیں نظر نہیں آرہا، پھر بھی الیکشن کمشنر خاموشی اختیار کیے ہوئے ہیں۔ گورنر نے کہا کہ انہیں بتایا گیا کہ ریاست کے مختلف حصوں سے ہلاکتوں اور تشدد کی خبریں آرہی ہیں۔ انہوں نے کہا کہ عام لوگوں کی حفاظت کون کرے گا۔ الیکشن کمیشن خاموش ہے۔ میں نے ان سے جواب طلب کیا ہے کہ عوام اور جمہوریت کی حفاظت کرنے والا کون ہے۔
