شہریت ترمیمی قانون اور این آر سی کے خلاف مغربی بنگال کے دارلحکومت کولکاتا میں بایاں محاذ اور کانگریس مشترکہ ریلی میں ہزاروں افراد نے مرکزی حکومت کے خلاف احتجاج کیا ۔ریلی میں بایاں محاذ کے 18 حلیف جماعتوں کے علاوہ ویلفیئر پارٹی آف انڈیا نے بھی شرکت کی ریلی سبودھ ملک اسکوائر ایس ایم بنرجی روڈ ہوتے ہوئے سی آر ایونیو سے ہوکر مہاجتی سدن پہنچی۔
ریلی میں پرپیش کانگریس کی طرف سے قیادت کرتے ہوئے صدر سومن مترا نے کہا کہ ممت۶بنرجی روز روز ڈرامہ کر رہی ہیں ان کے پاس کچھ کام ہے نہیں وقت گزارنے کے لئے یہ سب کر رہی ہیں ۔ ممتا بنرجی کی ایما پر متعدد معاملات میں ملوث ہونے کے بعد بھی راجیب کمار کو اہم عہدے پر فائز کیا جا رہا ہے ۔
کہیں راجیب کمار ان کے خلاف بول نہ دیں۔ریلی میں بایاں محاذ کے چئیرمین بمان بوس نے کہا کہ شہریت ترمیمی قانون کے خلاف ہماری تحریک جاری رہے گی۔ شہریت ترمیمی قانون کے خلاف جاری ممتا بنرجی تحریک کے سلسلے میں انہوں کہا کہ ممتا بنرجی کی تحریک کر رہی ہیں ۔ لیکن ان کے بی جے پی تعلقات بھی کسی سے چھپے نہیں ہیں۔
ایک سوال کے جواب میں کیا شہریت ترمیمی قانون اور این آر سی کے خلاف تحریک بایاں محاذ ممتا بنرجی کے ساتھ سکتی ہے۔ انہوں نے کہا کہ پہلے ممتا بنرجی بی جے پی کو چھوڑیں اس کے بعد ہم اس پر بات کریں گے ۔
واضح رہے کہ ممتا بنرجی نے تمام سیاسی جماعتوں سے بی جے پی کے خلاف متحد ہو کر ایک پلیٹ فارم پر آنے کی بات کہی تھی۔
