کولکاتا:مغربی بنگال کی وزیر اعلیٰ اپنے ٹوئٹ اکاونٹ پر ماہ رمضان کی آمد پر اہل بنگال کو مبارکباد پیش کرتے ہوئے کہاکہ بھارت میں یہ ایک ریاست ہے جہاں تک مذاپب کے لوگ ایک دوسرے کے تہواروں میں اب بھی شرکت کرتے ہیں۔ وزیراعلیٰ ممتابنرجی نے اپنے ٹوئٹ میں مزید لکھا ہے کہ مقدس ماہ رمضان کی آمد پر ہم اپنے برادران وطن کو دل کے گہرائیوں سے مبارکباد پیش کرتے ہیں۔امید کرتے ہیں کہ مغربی بنگال میں رہنے والے تمام مذاہب کے لوگ ماہ رمضان کا جس انداز میں استقبال کرتے ہیں وہ پورے ملک میں مثالی بنے ۔
انہوں نے کہاکہ اپنی طرف عوام کی خدمت کا سلسلہ جاری رکھیں گے ۔لوگوں سے اپیل ہے کہ مغربی بنگال میں بھائی چارہ اور قومی یکجہتی کو برقرار رکھنے میں ہمارا ساتھ دیں ۔اس کے ساتھ ساتھ انہوں نے کہاکہ اس مقد س مہینے میں اوپر والا عوام کو شیطانوں سے لڑنے میں مدد کرے۔ دوسری طرف ملک کی دوسری ریاستوں کی مغربی بنگال میں بھی ماہ رمضان کے پہلے جمعہ کے دن ریاست کے تمام اضلاع کی تمام مساجد میں نماز جمعہ کے دوران مسلمانوں کی غیرمعمولی بھیڑ دیکھنے کوملی۔نماز جمعہ کے لئے خصوصی انتظامات بھی کئے گئے تھے۔
یہ بھی پڑھیں:Ramzan 2023 روزے داروں کیلئے احتیاطی تدابیر اور غذا کا مناسب انتخاب
کولکاتا اور اس کے اطراف میں واقع مساجد میں نماز جمعہ کے مدنظر ریاستی حکومت ، پولیس انتظامیہ اور مقامی انتظامیہ کی جانب سے تمام تر انتظامات کئے گئےتھے۔انتظامات پر مغربی بنگال کے مسلمانوں نے حکومت کا شکریہ بھی ادا کیا۔
