مغربی بنگال اسمبلی سییشن کے دوران ریاستی وزیر اروپ رائے نے سی پی آئی ایم کے رکن اسمبلی کے سوالوں کے جواب دیتے ہوئے کہاکہ ریاست کی موجودہ وقات نے چٹ فنڈ کو روکنے کی بھر پور کوشش کی ہے۔
انہوں نے کہاکہ ریاستی حکومت نے گزشتہ دہائی سے جاری چٹ فنڈ کے نام پر جاری بدعنوانی کوروکنے کے لیے کئی منصوبے بنائے۔ چٹ فنڈکمپنیوں کے خلاف سخت کارروا ئی کی گئی۔
ریاستی وزیر کاکہنا ہے کہ ترنمول کانگریس کی قیادت والی حکومت نے چٹ فنڈ کمپنیوں کے خلاف جو کارروائی کی ہے وہ سب کے سامنے ہے۔ اس پر وضاحت کرنے کی کوئی ضرورت نہیں ہے۔
اروپ رائے کے مطابق بائیں محاذ دور حکومت میں بیشتر چٹ فنڈ کمپنیاں موجود میں آ ئی تھی۔ بائیں محاذ کے دور حکومت کے دوران چٹ فنڈ کمپنیاں خوب پھلی پھولی ۔
انہوں نے کہاکہ ریاست میں بائیں محاذ کے دور میں جتنی چٹ فنڈ بدعنوانی ہوئی اس سے زیادہ کبھی نہیں ہوئی تھی۔ یوں کہا جائے تو غلط نہیں ہوگا کہ بنائیں محاذ کے دور حکومت میں چٹ فنڈ بدعنوانی عروج پر تھی۔
اس کو ثابت کرنے کے لیے ثبوت پیش کرنے کی ضرورت نہیں ہے ۔ اس کے لیے چٹ فنڈ مخالف بل اور ریکارڈ ہی کا فی ہے۔
ریاستی وزیر کے بیان کے بعد اسمبلی میں بائیں محاذ کے رہنما سوجن چکرورتی نے مخالفت کرتے ہوئے اسمبلی واک آؤٹ کرنے کا اعلان کیا ۔
