مغربی بنگال بی جے پی کے صدر دلیپ گھوش اپنے متنازعہ بیانات کے لئے کافی مشہور ہیں ۔ انہوں شہریت ترمیمی قانون کے خلاف ریاست میں جاری تحریک پر ردعمل کا اظہار کرتے ہوئے کہا کہ ممتا بنرجی ہر معاملے میں پہلے اعتراض کرتی ہیں۔
لیکن بعد میں سب مان لیتی ہیں جس طرح جی ایس ٹی اور نوٹ بندی کے معاملے ہو چکا ہے۔ دلیپ گھوش نے دعوی کیا کہ مغربی بنگال میں ہی سب سے پہلے شہریت ترمیمی قانون کا تجربہ کیا جائے گا ۔واضح رہے کہ ممتا بنرجی اعلان کیا ہے کہ ریاست میں این آر سی اور شہریت ترمیمی قانون کو نافذ کرنے نہیں دیا جائے گا۔
دلیپ گھوش نے کہا کہ ممتا بنرجی اس قانون کے خلاف کیوں ہیں اس کی وضاحت کریں ۔وہ خوف زدہ کیوں ہیں۔ ممتا بنرجی دراندازوں کے حق میں ہیں۔ ہندو رفیوجیوں کے خلاف ہیں برسوں سے ہندو رفیوجی اس دن کا انتظار کر رہے تھے ۔انہوں نے ممتا بنرجی پر نکتہ چینی کرتے ہوئے کہا کہ دفعہ 370 ہو یا نوٹ بندی ہو مرکزی حکومت کی کسی بھی فیصلے کو ان کی تحریک سے کعئی فرق نہیں پڑا ہے۔
شہریت ترمیمی قانون کے خلاف بھی وہ ہیں اور اس کا سب سے پہلے تجربہ بنگال میں ہی ہوگا اور اس کو بھی وہ نہیں روک پائیں گی۔
