شمالی 24 پرگنہ: مغربی بنگال کے شمالی 24 پرگنہ کے دے گنگا میں ڈینگی سے ایک موت واقع ہوئی۔ 24 سال کی نوجوان خاتون زندگی کی بازی ہار گئی۔ مرنے والی خاتون کا نام فاطمہ بی بی ہے۔ اس سے قبل دے گنگا کے چپاتلا اور نور نگر پنچایت علاقوں میں ڈینگی کی وجہ سے ایک خاتون اور ایک مرد کی موت ہوئی تھی۔ ڈینگی کی وجہ سے یکے بعد دیگرے لوگوں کی موت کے سبب مقامی باشندوں میں دہشت کا ماحول ہے۔ واقعے کے بعد ضلع انتظامیہ کی تمام ترکوششوں کے باوجود ڈینگی کے کیسز پر قابو نہیں پایا جاسکا ہے۔کیسز میں اضافہ انتظامیہ کے لئے باعث تشویش ہے۔ ڈینگی کی صورتحال سے نمٹنے کے لئے بیداری مہم کے ساتھ ساتھ ڈینگی سے متاثرعلاقوں میں اضافی احتیاطی تدابیر پربھی عملدرآمد کیا جا رہا ہے۔ Twenty Four Years Old Woman Died Of Dengue In North 24 PGS In Bengal
یہ بھی پڑھیں؛Bharat Jodo Yatra اے پی میں دوسرے دن راہل گاندھی کی بھارت جوڑو یاترا
ذرائع کے مطابق نوجوان خاتون گزشتہ جمعرات سے بخار میں مبتلا تھی۔ بخار کم نہ ہونے کی وجہ سے اہل خانہ اسے مقامی عزیز نگر پرائمری ہیلتھ سنٹر لے گئے۔ ان کے خون کی جانچ میں ڈینگی کے وائرس کی تشخیص ہوئی۔ اس کے بعد خاتون کو علاج کے لئے دے گنگا کے بسوناتھ پور اسپتال میں داخل کرایا گیا لیکن اس کی حالت میں بہتری نہیں آئی۔خاتون کو باراسات محکمہ ہسپتال میں داخل کرایا۔اس کے بعد خاتون کو آر جی کار میڈیکل کالج اینڈ ہسپتال منتقل کیا گیا جہاں آج صبح اس کی موت ہو گئی۔Death due to Dengue in North 24 PGS
