ملک بھر میں کورونا کا قہر جاری ہے۔ کورونا مریضوں کی تعداد مسلسل بڑھ رہی ہے، وہیں ہلاکتوں کی تعداد میں بھی اضافہ ہو رہا ہے۔
ریاست مغربی بنگال میں ٹی ایم سی کے امیدوار کاجل سنہا کی کی کورونا سے موت ہو گئی۔ ان کی عمر 59 برس تھی۔ وہ اس انتخاب میں کھردھہ اسمبلی نشست سے ٹی ایم سی امیدوار تھے۔ کچھ دنوں پہلے ہی انہیں کورونا مثبت پایا گیا تھا۔
ٹی ایم سی سپریمو اور مغربی بنگال کی وزیر اعلی ممتا بنرجی نے ان کی موت پر ٹویٹ کرتے ہوئے لکھا یہ سن کر بہت افسوس ہوا۔ کھردھہ اسمبلی سے ہمارے امیدوار کاجل سنہا کی کورونا سے موت ہو گئی۔
مغربی بنگال کی وزیر اعلی ممتا بنرجی سمیت ترنمول کانگریس کے متعدد رہنماؤں نے ٹویٹ کر افسوس کا اظہار کیا ہے۔
دراصل کورونا کی تصدیق ہونے کے بعد ٹی ایم سی امیدوار کو گورنمنٹ اسپتال میں داخل کرایا گیا تھا، جہاں آج صبح تقریبا 10.45 بجے سرکاری اسپتال میں ان کا انتقال ہوگیا۔
واضح رہے کہ اس سے قبل مرشدآباد کے شمشیرگنج سے کانگریس کے امیدوار ریاض الحق اور جنگی پور سے متحدہ اتحاد (آر ایس پی ) کے امیدوار پردیپ نندی کی بھی کووڈ-19 سے موت ہو چکی ہے۔
