مغربی بنگال کے شمالی 24 پرگنہ کے گیارولیا ٹاؤن میں واقع نوری مسجد کے امام اور مدرسہ عربیہ ملیہ کے سربراہ مولانا جہانگیر مصباحی نے ای ٹی وی بھارت سے گفتگو کے دوران تعلیم کی اہمیت بتائی۔
مولانا جہانگیر مصباحی نے موجودہ دور میں اقلیتی طبقے پر تعلیمی اثرات اور ان کے مسائل پر تفصیلی بات چیت کی۔
انہوں نے کہا کہ تعلیم کے بغیر مثبت سماج کا تصور نہیں ہے۔ ہماری قوم میں تعلیم کو اعلیٰ مقام حاصل ہے۔ صحابہ کرام نے بھی علم کی روشنی کو پھیلانے کے لیے کافی محنت کی۔
مولانا جہانگیر مصباحی نے مزید کہا کہ 'مسلم معاشرے میں آج جو کچھ بھی ہو رہا ہے اس کی اب سے بڑی وجہ تعلیم سے دوری ہے۔ لوگ تعلیم سے دور ہوتے جا رہے ہیں اسی وجہ سے لوگ بالخصوص نوجوان نسل بھٹک چکی ہے۔
ان کا کہنا ہے کہ اس میں کوئی دو رائے نہیں کہ جو قوم تعلیم سے دور ہو جاتی ہے اس کے لیے خطرے کی گھنٹی بج جاتی ہے۔ آج اقلیتی طبقے کے ساتھ ایسا ہی کچھ ہو رہا ہے اور اس کے لیے بہت حد تک ہم بھی ذمہ دار ہیں۔
انہوں نے کہا کہ مسلمونوں مین تعلیم کی کمی کے لیے وہ لوگ بھی ذمہ دار ہیں جو خود کو اقلیتی طبقے کا رہنما کہتے نہیں تھکتے۔
یہ بھی پڑھیں: 'اعلی تعلیم سے ہی ہر مہم کو سَر کیا جاسکتا'
مولانا جہانگیر مصباحی نے کہا کہ انتظامیہ بھی تعلیمی سرگرمیوں کو دوبارہ بحال کرنے میں سنجیدہ نہیں ہے منظم طریقے سے تعلیمی اداروں میں تعلیمی سرگرمیاں دوبارہ بحال کی جا سکتی ہیں۔
