مغربی بنگال میں تہواروں کے دوران سیاسی پارٹیوں کے حامیوں کے درمیان جھڑپوں کا سلسلہ جاری ہے.
شمالی بنگال کے کوچ بہار کے دن ہاٹا میں ترنمول کانگریس کے رہنما شدید طور پر زخمی ہوگئے۔ بسنتی ہاٹ بازار برج کے قریب چھ سے سات افراد پر مشتمل شرپسندوں کے ایک گروہ نے پنچایت سمیتی کے ملازم پر حملہ کر دیا۔
شرپسندوں نے انہیں جان سے مارنے کی ناکام کوشش کی لیکن زخمی شخص کی آواز سن کر آس پاس کے لوگ موقع پر پینچ گئے۔
مقامی باشندوں کو آتے ہوئے دیکھ کر شرپسند فرار ہو گئے لیکن ان میں سے ایک شرپسند پکڑا گیا.
مقامی باشندوں نے شرپسند کی جم کر پٹائی کر دی جس سے وہ شدید طور پر زخمی ہو گیا.
پولیس نے جائے وقوع پر پہنچ کر حالات کو قابو میں کیا. زخمی پنچایت سمیتی کے ملازم کو کوچ بہار صدر ہسپتال میں داخل کرایا گیا. زخمی شرپسند دن ہاٹا محکمہ ہسپتال میں زیر علاج ہے۔
پولیس کا کہنا ہے کہ ٰپنچایت سمیتی کے ملازم میتھن راج بھر پر شرپسندوں کا حملہ ہوا ہے۔ تفتیش جاری ہے. ایک شرپسند کی گرفتاری عمل میں آئی ہے، دیگر شرپسندوں کی تلاش جاری ہے ـ
واضح رہے کہ مغربی بنگال میں اسمبلی انتخابات کی وجہ سے سیاسی سرگرمیاں عروج پر ہے۔
ریاست کے مختلف اضلاع میں ترنمول کانگریس اور بی جے پی کے حامیوں کے درمیان جھڑپوں کا سلسلہ جاری ہے.
