ایمانداری اور ایماندار کی کوئی قیمت نہیں ہوتی، ایماندار شخص کی ایمانداری کا ثبوت بھی مشکل دور میں ہی مل جاتا ہے جہاں عام لوگوں کو ثابت کرنا ناممکن ہو جاتا ہے، مغربی بنگال کے بیربھوم ضلع کے نل ہٹی تھانہ علاقے میں ایسا ہی ایک واقعہ اس وقت پیش آیا جب شریف الشیخ نے راستے پر ملنے والی رقم کو پولیس کے حوالے کر دیا۔ Honesty Example in West Bengal
نل ہٹی تھانے کے ڈیوٹی آفیسر شریف کی اس ایمانداری پر بہت خوش ہوئے اور ان کی حوصلہ افزائی کرتے ہوئے اسے انعام سے نوازا۔ نل ہٹی پولیس انتظامیہ نے کہا کہ حیرت کی بات ہے آج کے دور میں بھی اتنے ایماندار لوگ ہوتے ہیں۔ شریف الشیخ واقعی شریف ہیں جنہوں نے اتنی بڑی رقم (ایک لاکھ 80 ہزار روپے) پولیس کے حوالے کردیئے اور ایمانداری کی مثال پیش کی۔ اس تعلق سے شریف الشیخ نے کہا کہ وہ اے ٹی ایم سے روپے نکالنے کے لئے گئے تھے کہ راستے میں ایک بیگ ملا جس میں یہ رقم تھی اور انہوں نے اس رقم کو اس کے اصل مالک تک پنچانے کے لیے پولیس اسٹیشن کا رخ کیا۔
