کولکاتا کا میدان علاقے میں اکثر تشدد کے واقعات رونما ہوتے رہے ۔ اس کی وجہ یہ ہے کہ اسی علاقے میں کولکاتا کے تین بڑے فٹ بال کلب موہن بگان محمڈن اسپورٹنگ کلب اور ایسٹ بنگال کلب موجود ہیں۔ بنگال کے لوگوں میں فٹ بال سے دلچسپی جنون کی حد تک پائی جاتی ہے جس کی وجہ سے کولکاتا کی تاریخ ہے کہ فٹ بال میچ کے بعد دو کلبوں کے شیدائیوں کے درمیان تشدد ہوتے رہے ہیں۔
آج موہن بگان کا ڈورنڈ کپ کا میچ تھا ۔ اٹلیٹیکو ڈی کولکاتا کو موہن بگان نے ایک کے مقابلے دو گول سے شکست دینے میں کامیاب رہی ۔ اس کے بعد ایڈن گارڈن کے مخالف سمت میں بنے ایسٹ بنگال کلب کے صد سالہ جشن والے عارضی گیٹ کو موہن بگان کی جرسی پہنے ہوئے شیدائیوں نے توڑ دیا اور ایسٹ بنگال فٹ بال کلب کے کئی فلیکس کو بھی پھاڑ دیا گیا۔ غنڈہ گردی کی گئی اس واقعہ کی چہار جانب سے مذمت کی جا رہی ہے ۔ قصور واروں کے خلاف سخت کارروائی کرنے کا موہن بگان نے اعلان کیا ہے۔
لال بازار میں ملزمین کے خلاف شکایت درج کرائی ہے ۔ اس واقعہ کی ویڈیو لال بازار پولس ہیڈ کوارٹر کو سونپ دی ہے ۔ سخت کارروائی کا مطالبہ کیا ہے ۔ اس واقعہ پر افسوس کا اظہار کرتے ہوئے کلب کے ذمہ داروں کی طرف سے ایسٹ بنگال کا عارضی گیٹ اپنے خرچ پر بنوانے کی بھی تجویز پیش کی ہے۔
