سیاہ سفید جرسی والی ٹیم محمڈن اسپو رٹنگ نئے سیزن میں کلکتہ فٹبال لیگ کی تیاریوں کے لیے پری سیشن ٹریننگ میں مصروف ہے۔
ٹیم کے کوچ سبرتو بھٹا چاریہ کاکہنا ہے کہ محمڈن اسپو رٹنگ کی ٹیم ٹریننگ سیشن کے دوران ہردن مضبوط اور متوازن بنتے جارہے ہیں۔ کلکتہ فٹبال لیگ میں ہماری ٹیم کی کار کرد گی شاندار ہونے کی امید ہے ۔
انہوں نے کہاکہ ٹیم میں کئی فٹبالر نئے ہیں۔ اس کے باوجود تجربہ کار اور نئے فٹبالروں کے درمیان تال میل بنانے کی کوشش کی جارہی ہے۔
محمڈن کے کوچ نے کہاکہ کامران فاروق، پریانت سنگھ، پرسنجیت پال ،ستم شرما، بلوندرسنگھ،آرتھرکوسائی،کریم اومولاجانورین اور ترتھنکرسرکار جیسے تجربہ کار کھلاڑیوں کی مدد سے کلکتہ فٹبال لیگ میں بہتر کر سکتے ہیں۔
سبرتوبھٹاچاریہ کاکہنا ہے کہ اس مر تبہ کلکتہ فٹبال لیگ دلچسپ اور سنسنی خیز ہونےوالی ہے۔ اسٹار کھلاڑیوں پر مشتمل ٹیمیں ایسٹ بنگال اور موہن بگان کو سدھرن سیمتی،بھوانی پوت کلب اور پیرلیس جیسی چھوٹی ٹیموں سے سخت چیلنج کاسامناکرنا پڑ سکتا ہے۔
