کولکاتا: ایڈیڈ مدرسہ ٹیچرز گزشتہ 12 روز سے اپنے مطالبات کو لے کر ریاستی حکومت کے خلاف بھوک ہڑتال پر بیٹھے ہیں۔ اس دوران آج بھوک ہڑتا کے دوران دو خواتین ٹیچر کی اچانک طبیعت خراب ہوگئی جس کے بعد دونوں خواتین کو بہتر علاج کے لیے این آر ایس میڈیکل کالج و ہسپتال میں منتقل کرایا گیا ہے۔
اطلاعات کے مطابق مغربی بنگال حکومت کی جانب سے 235 غیر امداد یافتہ مدارس کو منظوری ملنے کے بعد بھی کوئی سہولیات فراہم نہیں کی جارہی ہے۔ گذشتہ کئی برسوں سے ان مدارس کے اساتذہ کو تنخواہ بھی نہیں دی گئی ہے۔
ویڈیو
ایڈیڈ مدرسہ کے ٹیچرز اس مسئلے کو لے کر گزشتہ 9 برسوں سے ریاستی حکومت کے خلاف مسلسل تحریک جاری رکھے ہوئے تھے لیکن اس مسئلے کا کوئی حل نہیں نکلتے دیکھ ایک بار پھر سے مدرسہ ٹیچرز اپنے مطالبات کو لے کر ریاستی حکومت کے خلاف بھوک ہڑتال پر بیٹھ گئے ہیں۔
