ایران سوسائٹی کے جنرل سکریٹری خواجہ جاوید یوسف کے نام اپنے مکتوب میں جناب حامد انصاری نے کہا کہ 'میں ایران سوسائٹی کے سرپرست نامزد ہونے پر اپنے لئے غیر معمولی اعزاز سمجھتا ہوں اور اسے بڑی خوشی سے قبول کرتا ہوں۔'
واضح ہو کہ ماضی میں ایران سوسائٹی کے سرپرستوں میں سرتیج بہادر سپرو، سی راجہ گوپال اچاریہ، مولانا ابوالکلام آزاد، ڈاکٹر ذاکر حسین، شری سومناتھ چٹرجی، چیف جسٹس التمش کبیر جیسی شخصیتیں شامل رہی ہیں۔
حامد انصاری کا طالب علمی کا دور کلکتہ میں گزرا ہے اسی وجہ سے وہ اپنے طالب علمی کے دور سے ہی ایران سوسائٹی کی سرگرمیوں سے واقف رہے ہیں۔
یہ بھی پڑھیں: مستحکم بھارت کی تعمیر کا خواب: راج ناتھ
جنرل سکریٹری خواجہ جاوید یوسف نے جناب حامد انصاری کا شکریہ ادا کرتے ہوئے کہا کہ ان کی شمولیت سے ایران سوسائٹی کے وقار اور اسکی مقبولیت میں مزید اضافہ ہوگا۔
(یو این آئی)
