مغربی بنگال کی وزیر اعلی ممتا بنرجی کو جھٹکا دیتے ہوئے راجیہ سبھا کے ٹی ایم سی کے رکن پارلیمنٹ دنیش تریویدی نے 12 فروری 2021 کو راجیہ سبھا سے استعفیٰ دے دیا تھا۔ سابق ٹی ایم سی رہنما آج بی جے پی میں شامل ہوگئے ہیں۔
ممتا بنرجی کے قابل اعتماد ساتھی دنیش تریویدی نے سنہ 1980 کی دہائی میں کانگریس سے اپنے سیاسی کیریئر کا آغاز کیا تھا اور پھر جنتا دل میں شمولیت اختیار کی تھی۔ اس کے بعد 1990 کی دہائی کے آخر میں کانگریس سے الگ ہونے کے بعد وہ ممتا بنرجی کی نئی پارٹی میں شامل ہو گئے تھے اور انہیں ٹی ایم سی کا جنرل سکریٹری بنایا گیا تھا۔
2009 میں وہ مغربی بنگال کے بیرک پور حلقے سے 15 ویں لوک سبھا کے لیے منتخب ہوئے تھے۔ 2011 میں وہ وزیر ریلوے کے طور پر منتخب ہوئے لیکن بعد میں انہوں نے 2012 میں استعفیٰ دے دیا تھا۔
2014 میں وہ اس نشست پر سی پی ایم کی بولی کو ایک بار پھر شکست دے کر بیرک پور حلقہ سے 16 ویں لوک سبھا (دوسری بار) کے لئے منتخب ہوئے تھے۔ دنیش تریویدی سن 2017 میں اسٹینڈنگ کمیٹی برائے خزانہ کے ممبر بھی تھے۔
