حکومت مغربی بنگال کے نئے وزیر ٹرانسپورٹ فرہاد حکیم نے آج دفتر کا چارج سنبھالا اور محکمہ ٹرانسپورٹ کے افسران کے ساتھ انہوں نے میٹنگ کی اور کئی اہم موضوعات پر تبادلہ خیال کیا۔
اس کے ساتھ انہوں نے شعبہ ٹرانسپورٹ کو بہتر بنانے کے لئے آئندہ کے پروگرام کے متعلق بھی افسران سے بات چیت کی۔
فرہاد حکیم آج ٹرانسپورٹ چارج سمبھالنے پہنچے۔ انہوں نے اس موقع پر میڈیا سے بات کرتے ہوئے کہا کہ آج پہلا دن ہے محکمہ کے تمام افسران کے ساتھ ان کی میٹنگ ہوئی ہے اور کئی اہم موضوعات پر تفصیلی بات چیت ہوئی ہے۔
انہوں نے اس میٹنگ کے متعلق کہا کہ آج پہلا دن ہے اور ایک دن میں سارا کام تو نہیں کیا جاسکتا ہے۔اگرچہ کئی اہم مسائل پر بات چیت ہوئی ہے۔انہوں نے اطلاع دی کہ شہر میں آٹو رکشا کے روٹ میں اضافہ کیا جائے گا تاکہ مسافروں کو پریشانی نہ ہو۔جہاں بس روٹ نہیں ہے وہاں نئے طور پر آٹو رکشا روٹ کی اجازت دی جائے گی۔آٹو رکشا روٹ پرمٹ دی جائے گی کسی طرح کی بدعنوانی نہ ہو اسی لئے ای پرمٹ دیا جائے گا۔
انہوں نے مزید کہا کہ شہر میں الیکٹرانک ٹرانسپورٹ کا زیادہ سے زیادہ استعمال کے لئے جو بھی ضروری اقدام ہیں کئے جائیں گے۔الیکٹرک بسوں کی تعداد میں اضافہ کے ساتھ ہی ان کی چارجنگ اسٹیشن کا بھی نظم بنایا جائے گا۔اس طرح سے کولکاتا شہر کی آلودگی کو کم کرنے میں مدد ملے گی۔
دوسری جانب تیل کی قیمتوں میں بھی اضافہ ہوا ہے جس سے بچنے کے لئے الیکٹرک وہیکل ہماری مدد کر سکتا ہے۔15 سال سے پرانے گاڑیوں کو الیکٹرک وہیکل سے بدل دیا جائے گا۔
انہوں نے کہا کہ کووڈ 19 کو لیکر وہ فکر مند ہیں اور اس کی روک تھام کے لئے ضروری اقدامات جاری ہیں۔انہوں نے کہا کہ اوور لوڈنگ گاڑیوں پر خاص نظر رکھی جائے گی اور جرمانہ عائد کیا جائے گا۔
