مغربی بنگال کے دارالحکومت کولکاتا سمیت ریاست کے مختلف اضلاع میں جرائم کی واردات میں تشویشناک اضافہ ہوا ہے۔ عام لوگوں کی سیکیورٹی کو لے سوال اٹھنے لگا ہے۔عام لوگ پولیس انتظامیہ کے رول پر بھی سوال اٹھانے لگے ہیں۔Engineering Student Murder In Birbhum
اسی درمیان بیربھوم ضلع کے الم بازار تھانہ کے تحت چپہریا جنگل علاقے سے پولیس نے ایک طالب علم کی لاش برآمد کی ہے۔وہ گزشتہ چند دنوں سے لاپتہ تھا۔گھروالوں نے اغوا کے بعد قتل کا الزام عائد کیا ہے۔
آج دن میں جنگل میں ایک نوجوان کو مردہ پایا گیا۔مقامی باشندوں نے اس کی اطلاع پولیس کو دی۔پولیس نے جائے وقوع پر پہنچ کر حالات کا جائزہ لینے کے بعد لاش کو پوسٹ مارٹم کے لئے ہسپتال بھیجوانے کا انتظام کیا۔
پولیس نے ابتدائی تفتیش کے بعد کہا کہ مرنے والے نوجوان کی شناخت سید صلاح الدین کے طور پر ہوئی ہے۔وہ انجنئیرنگ کا طالب علم ہے۔اس کے گھروالوں نے اس کی گمشدگی کی رپورٹ درج کرائی تھی۔
یہ بھی پڑھیں:Congress MP Adhir Ranjan Chowdhary مغربی بنگال میں دولت کی کمی نہیں
پولیس نے کہا کہ اغوا کے زاویے کو نظر انداز نہیں کیا جا سکتا ہے۔ اس معاملے میں کسی کی گرفتاری عمل میں نہیں آئی ہے۔ پورے معاملے کی تفتیش کی جا رہی ہے۔ اس معاملے میں ملوث لوگوں کو جلد ڈھونڈ نکالا جائے گا۔
گھر والوں کا کہنا ہے کہ سید کا اغوا کرنے کے بعد قتل کیا گیا ہے۔ اغوا کاروں نے 30 لاکھ روپے تاوان کا مطالبہ کیا تھا۔پولیس کو ساری معلومات فراہم کی گئی ہے لیکن پولیس نے پورے میں لاپرواہی کا مظاہرہ کیا ہے۔
