مغر بی بنگال بی جے پی کے صدر دلیپ گھوش کاکہنا ہے کہ ماہر معاشیات امرتیا سین کو بھارتی ثقافت سے متعلق ٹھوس جانکاری نہیں ہے ۔ وہ غیر ملک میں رہتے ہیں اور ساری زندگی معاشیات سے متعلق باتیں کر تے رہے ۔
انہوں نے کہاکہ امرتیا سین نے بھگوان رام سے تعلق جو بیان دیا ہے اس سے پتہ چلتا ہے کہ انہیں بھگوان سے متعلق کوئی جانکاری نہیں ہے۔ پروگرام کے دوران انہیں کچھ کہنا تھا تو انہوں نے متازع بیان دے ڈالا۔
کمار پوکھر میں جلسے کو خطاب کر تے ہوئے ریاستی بی جے پی کے صدر نے کہاکہ جے شری رام کے نعرے پر بحث بازی کرنے کی ضرورت نہیں ہے ۔ جے شری رام بھارتی کلچر کا اہم حصہ ہے۔
انہوں نے کہاکہ آج سے سینکڑوں برس قبل سے بھارت میں جے شری رام کے نعرے لگ رہے ہیں۔ برسوں سے کوئی بھی شخص اس کی مخالفت نہیں کر رہا تھا ۔ لیکن ہر شخص جے شری رام کے نعرے کے خلاف بول رہا ہے۔
ریاستی بی جے پی کے صدر نے کہاکہ مغر بی بنگال میں جے شری رام گونج سے حکمراں جماعت خوفزدہ ہے۔ حکمراں جماعت بی جے پی کو اب کسی بھی قیمت پر روک نہیں سکتی ہے۔
