مغربی بنگال میں کورونا وائرس کی دوسری لہر(coronavirus second wave) مکمل طور پر قابو میں آ چکی ہے جس کے سبب کورونا وائرس کے یومیہ کیسز اور شرح اموات دونوں کی تعداد میں نمایاں کمی آئی ہے۔
گزشتہ 24 گھنٹوں کے دوران کورونا وائرس کے نئے کیسز کی تعداد ساڑھے پانچ ہزار سے بھی نیچے چلی آئی ہے۔
محکمہ صحت کے مطابق گزشتہ 24 گھنٹوں کے دوران ریاست میں کورونا وائرس کے 5 ہزار 427 کیسز ریکارڈ کئے گئے اس دوران 98 لوگوں کی موت ہوئی جو گزشتہ کل کے مقابلے میں 6 کم ہے اور اس طرح گزشتہ 35 دنوں میں پہلی مرتبہ یومیہ اموات کی تعداد ایک سو سے بھی کم ریکارڈ کی گئی۔
مغربی بنگال محکمہ صحت نے کہا کہ اگر اموات اور کیسز میں کمی کا سلسلہ ایک ہفتہ مزید جاری رہا تو کورونا وائرس کی دوسری لہر کی زنجیر کو مکمل طور پر ختم کر دیا جائے گا۔
محکمہ صحت کے مطابق گزشتہ 24 گھنٹوں کے دوران شمالی 24 پرگنہ میں حالات میں بہتری آئی ہے لیکن خطرہ پوری طرح سے ٹلا نہیں ہے۔
- مختلف اضلاع میں کورونا وائرس کے یومیہ کیسز اور صحتیاب ہونے والوں کی تعداد:
| اضلاع | نئے کیسز | صحتیاب |
| شمالی 24 پرگنہ | 1108 | 1515 |
| جنوبی 24 پرگنہ | 381 | 231 |
| کولکاتا | 510 | 839 |
| ہوڑہ | 302 | 201 |
| ہگلی | 244 | 154 |
| دارجلبگ | 248 | 101 |
مغربی بنگال میں کورونا وائرس کے مریضوں کی کُل تعداد 14 لاکھ 37 ہزار 321 پہنچ چکی ہے جبکہ اس بیماری سے اب تک 16 ہزار 460 لوگ لقمہ اجل بن چکے ہیں۔
دوسری جانب کورونا سے صحتیاب ہونے والوں کی تعداد 13 لاکھ 88 ہزار 771 ہے صحتیابی کی شرح 96.98 فیصد ہے۔
