مرشدآباد: مغربی بنگال میں ایس ایس سی کے ذریعہ اساتذہ کی تقرری میں بدعنوانی کے معاملے کی سی بی آئی اور انفورسمنٹ ڈائکٹوریٹ کی جانچ حکمراں جماعت ترنمول کانگریس کے لئے گلے کی ہڈی بن چکی ہے۔جانچ ایجنسیوں کی جانب سے ترنمول کانگریس کے رہنماوں کے خلاف تفتیش جاری ہے۔مرشدآباد کے بروا اسمبلی سے ترنمول کانگریس کے رکن اسمبلی جیون کرشنا ساہا کو اساتذہ کی تقرری میں بدعنوانی کے معاملے میں ملوث ہونے کے الزام میں گرفتاری عمل میں آئی ہے۔سی بی آئی نے انہیں گرفتار کیا ہے۔
ذرائع کے مطابق سی بی آئی نے مرشدآباد کے بروا اسمبلی سے ترنمول کانگریس کے رکن اسمبلی جیون کرشنا ساہا کی رہائش گاہ پر سی بی آئی کی ایک ٹیم نے 65 گھنٹوں قبل خصوصی تلاشی مہم شروع کی تھی۔ تفتیش کے دوران سی بی آئی کو ایک موبائل کا پتہ چلا تھا جسے رکن اسمبلی پر مبینہ طور پر تالاب میں پھینکنے کا الزام ہے۔
یہ بھی پڑھیں: Mahua Moitra Slams BJP Over PUlwama Attack مہوا موئترا نے پلوامہ حملے کو لے کر بی جے پی پر تنقید کی
سی بی آئی کی ٹیم نے اسی موبائل کو بنیاد پر رکن اسمبلی کے خلاف تلاشی مہم شروع کی۔ مسلسل تلاشی اور چھاپہ ماری کے بعد انہیں گرفتار کر لیا۔ سی بی آئی کو شبہ ہے کہ رکن اسمبلی نے مبینہ طور پر ثبوت کو چھپانے کے لئے ہی موبائل کو تالاب میں پھینکا تھا۔ ترنمول کانگریس کے رکن اسمبلی کی گرفتاری عمل میں آتے ہی علاقے میں سنسنی پھیل گئی۔ حالانکہ اس ضمن میں ترنمول کانگریس کی جانب سے کوئی یان جارہ نہیں کیا گیا ہے۔رکن اسمبلی جیون کرشنا ساہا نے بھی اپنی گرفتاری پر کچھ نہیں کہا ہے۔
