مغر بی بنگال کے شمالی24 پر گنہ کے بیرکپور پارلیمانی حلقے کے جگتدل اور کانکی نارہ میں گزشتہ ڈھا ئی مہینوں سے جاری ترنمول کانگریس اور بی جے پی کے حامیوں کے درمیان جھڑپوں کا سلسلہ جاری ہے۔ پولیس کی تمام تر کوششوں کے باوجود علاقے میں اب تک امن وامان قائم نہیں ہو سکا ہے۔
موصولہ اطلاع کے مطابق جگتدل تھانہ علاقے کے تحت کانکی نارہ کے چھ نمبر شائیڈنگ میں نامعلوم شرپسندوں کی بم بازی سے علاقے میں دہشت ہھیل گئی۔
شرپسندوں نے ایک مکان میں بم بازی کی۔ بم بازی کے دوران کسی کے زخمی ہونے کی اطلاع نہیں ہے مگر مکان کو نقصان پہنچا ہے۔
پولیس کاکہنا ہے کہ تفتیش جاری ہے۔ اب تک کسی کی گرفتاری عمل میں نہیں آ ئی ہے۔ شرپسندوں کی تلاش جا ری ہے۔ علاقے میں سکیورٹی انتظامات سخت کر دیے گیے ہیں۔
صلاح الدین نام کے ایک تاجر نے کہاکہ حالات خراب ہیں۔ بم بازی سے لوگوں علاقے میں دہشت کاماحول ہے۔ کاروبار بھی کو نقصان پہنچ رہا ہے۔
انہوں نے مزید کہا کہ حالت یہ ہے کہ شام چھ بجے ہی بازار خالی ہوجاتا ہے۔ لوگوں کی آمد کم ہوتی جارہی ہے۔ اگر یہ سلسلہ مزید چند دنوں تک جاری رہا تو کاروباریوں کوکاروبار بند کردینا پڑے گا۔
ارشد اقبال انصاری نام کے ایک اور تاجر نے کہاکہ کانکی نارہ اورا س کے اطراف میں ماحول بگڑنے کی وجہ سے کاروبار پوری طرح ٹھپ پڑ گیا ہے۔ کاروباریوں کو نقصان کا سامنا کرنا پڑ رہا ہے۔
انہوں نے مزید کہاکہ لوگوں میں بیداری کی ضرورت ہے۔ پولیس انتظامیہ اگر لوگوں کی حوصلہ افزائی کرنے میں کامیاب ہو گئی تو کاروبار پھر سے پٹری پر لوٹ سکتا ہے۔
