Panchayat Elections ٹی ایم سی کا ٹکٹ نہیں ملنے پر سابق پنچایت ممبر سی پی آئی ایم میں شامل

ترنمول کانگریس کا ٹکٹ نہ ملنے پر تمپا ملک سی پی ایم کے ٹکٹ پر امیدوار بنی۔ اب س سے پہلے بھی ٹمپا سی پی آئی ایم کے ٹکٹ پر الیکشن لڑ چکی ہیں جس میں انہیں شکست کا سامنا کرنا پڑا تھا ۔اس سے قبل انہوں نے ترنمول کانگریس کے ٹکٹ پر الیکشن جیتا لیکن اس مرتبہ انہیں ٹی ایم سی نے ٹکٹ نہیں دیا۔

مشرقی بردوان:مغربی بنگال کی حکمراں جماعت ترنمول کانگریس کے ذریعہ نظر انداز کئے جانے پر ٹمپا نے سی پی آئی ایم کے ٹکٹ پر پنچایت انتخابات لڑنے کا فیصلہ کیا۔ان کا دعویٰ ہے کہ ترقیاتی کاموں کی بنیاد پر انہیں اس مرتبہ بھی پنچایت انتخابات میں جیت ملے گی۔

ٹمپا مالک 2018 میں چکدیگھی پنچایت، جمال پور، مشرقی بردوان کے علم بازار علاقے میں اسمبلی نمبر 22 کے بوتھ نمبر 185 میں ترنمول کانگریس کی امیدوار بنی تھیں۔ تمپا ترنمول کانگریس کی ترقیاتی کاموں کو اجاگر کرتے ہوئے عام لوگوں کے پاس گئیں۔ لیکن ترنمول کانگریس نے پنچایت انتخابات کے لیے انہیں ٹکٹ نا دینے کا فیصلہ کیا۔ تمپا ملک نے پارٹی کے فیصلے کے خلاف جاتے ہوئے سی پی ایم میں شمولیت اختیار کی۔ سی پی ایم نے انہیں پنچایت کا ٹکٹ دیا۔

مقامی لوگوں اور گاؤں والوں کے مطابق تمپا ملک نے گزشتہ پنچایت الیکشن میں چکدیگھی پنچایت سے کامیابی حاصل کی تھی۔ ان کے دور میں گاؤں میں کئی ترقیاتی کام ہوا ہے ۔ پارٹی کے کارکنان چاہتے تھے کہ گاؤں میں مزید بہتری آئے۔ ترنمول کارکنان کو مناسب احترام ملنا چاہئے۔

تاہم ایسا معلوم ہوتا ہے کہ آزاد رحمان، جو ترنمول کانگریس کے امیدوار ہیں، سی پی ایم میں رہتے ہوئے ترنمول کانگریس کے لڑکوں پر تشدد کیا کرتے تھے۔ لیکن ترنمول کانگریس نے انہیں پنچایت کا ٹکٹ دیا۔پنچایت انتخابات میں ترنمول کانگریس کو سی پی آئی ایم کی امیدوار سے سخت چیلنج کا سامنا کرنا پڑ سکتا ہے ۔