پرینکا راہل بریگیڈ کے قومی جنرل سکریٹری عدنان اشرف نے اتراکھنڈ کے کماؤں کا دورہ کیا۔ کماؤں علاقے کا جائزہ لینے کے بعد انہوں نے ایک پریس کانفرنس کے ذریعہ میڈیا نمائندوں کو بتا یا کہ' یہاں کہ اقلیتی طبقے کی خراب معاشی حالات کے لئے تری وندرا حکومت ذمہ دار ہے، جو اقلیتوں کو بنیادی منصوبہ دینے میں ناکام رہی۔
آپ کو بتادیں کہ دہلی کانگریس کے ہائی کمان کی ہدایت پر عدنان اشرف یہاں دو روزہ دورے پر پہنچے ہیں، جہاں انہوں نے میڈیا سے روبرو ہوتے ہوئے ریاست میں ہجرت اور مہنگائی کے سلسلے میں بی جے پی کی تری وندرا حکومت پر نکتہ چینی کرتے ہوئے ملک کی مودی حکومت کو ہدف تنقید بنایا۔ اس دوران انہوں نے کہا کہ مرکزی حکومت کورونا وبا کی روک تھام میں ناکام ثابت ہوئی ہے جس کا چہرہ اب عوام کے سامنے آچکا ہے۔
مزید پڑھیں:
پرینکا گاندھی کی یوگی حکومت پر نکتہ چینی
انہوں نے یہ بھی کہا کہ اتراکھنڈ میں اقلیتوں کی خراب حالت کو سنہ 2022 میں کانگریس کی واپسی کے بعد درست کیا جائے گا۔
