کیدارناتھ کپاٹ دھام سے منسلک 'لنگنا' کے مطابق 08:25 منٹ پر بند کردیے گئے، جبکہ وہیں یمونوتری کپاٹ دھام کو دوپہر 12:25 منٹ پر بند کیا جائے گا۔
ہزاروں عقیدت مند بابا کیدارا کو ہمالے سے وداع کرنے کے لیے کیداراناتھ پہنچے، اور اس موقعے پر عقید مندوں نے سچے من سے بابا کیدار کی پوجا ارچنا بھی کی۔
اس موقع پر پنچ مکھی بھوگ مجسمے کو سجاتے ہوئے ڈولی میں بیٹھایا جس کے بعد عقیدت مند بابا کی ڈولی پیدل چل کر لے گئے، اور کپاٹ کے انتظامیہ کی جانب سے دھام کو بند کرنے کی تیاریاں بھی کی گئیں، جبکہ اس سے قبل بابا کے آخری دیدار کے لیے ڈولی کو مندر کے احاطے میں رکھا گیا۔
واضح رہے کہ کپاٹ بند ہونے کے بعد باباکیدارناتھ کی پنچ مکھی ڈولی ہمالے سے روانہ ہوکر اپنے سرمائی مقام 'اونکاریشور' مندر میں پہنچے گی۔
وہیں دوسری جانب عقیدت مند موسم سرما میں قیام کے لیے شنی دیو کی ڈولی سے ماں یمنا کو لینے کے لیے یمونوتری دھام جائیں گے، جہاں پر پہلے پوجا ارچنا کی جائے گی، اور روایت کے مطابق موسم سرما کے دھام کے لیے دوپہر 12:25 منٹ پر بند کریے جائیں گے، اور شنی دیو کی ڈولی ماں یمنا کی رہنمائی میں یمونوتری سے روانہ ہوگی۔
یاد رہے کہ موسم سرما میں بابا کیدارناتھ کے دھام کو چھ مہینے کے لیے بند کردیا جاتا ہے۔
