اتراکھنڈ: آگ لگنے سے 35 جھونپڑیاں جل کر خاکستر

ضلع کاشی پور کے باج پور علاقے میں آگ لگنے سے 35 جھونپڑیاں جل کر خاکستر ہو گئیں۔ تاہم کوئی جانی نقصان نہیں ہوا جبکہ لاکھوں کا سامان جل کر خاکستر ہوگیا ہے۔

ریاست اتراکھنڈ کے ضلع کاشی پور کے باج پور علاقے میں آگ لگنے سے 35 جھونپڑیاں جل کر خاکستر ہو گئیں۔ جھونپڑوں میں آگ لگنے سے علاقے میں خوف کا ماحول پیدا ہوگیا، فائز بریگیڈ کی گاڑیوں نے موقع پر پہنچ کر کافی مشقت کے بعد آگ پر قابو پایا۔

اطلاع کے مطابق گذشتہ رات باج پور کے قصبے اتوا کھنن علاقے میں آگ لگنے سے 35 جھونپڑیاں جل کر خاکستر ہوگئیں۔ بتایا جارہا ہے کہ مزدوروں کو آگ لگنے سے قبل ہی اس واقعے کے بارے میں پتہ چل گیا تھا اور وہ جھونپڑیوں سے باہر نکل گئے تھے جس کی وجہ سے کوئی جانی نقصان نہیں ہوا۔

اسی دوران جھونپڑیوں میں رکھا لاکھوں کا سامان جل کر خاکستر ہو گیا۔

اطلاع ملنے کے بعد موقع پر پہنچے فائر ڈپارٹمنٹ کے ملازمین نے بمشکل آگ پر قابو پایا۔ تاہم آگ لگنے کی وجوہات کا ابھی تک پتہ نہیں چل سکا ہے۔