ریاست اتراکھنڈ کے ضلع پتھوراگڑھ میں واقع تحصیل دھارچولہ میں چین کی سرحد کو ملانے والا اہم تواگھاٹ موٹر پل ٹوٹ گیا ہے۔ بتایا جارہا ہے کہ ٹرالی جے سی بی مشین کے ساتھ ملپا سے آگے سڑک کاٹنے کے لیے پل سے جا رہی تھی، اسی دوران پل گر گیا۔ حادثے میں ٹرالی ڈرائیور نوین سنگھ (32) رہائشی ہماچل اور پوکلینڈ آپریٹر سریندر کمار (40) رہائشی پنجاب زخمی ہوگئے ہیں۔
سکیورٹی فورسز اس پل کے ذریعے چین کی سرحد تک پہنچتے تھیں، مانسرور سیاح اسی پل کے ذریعہ ہی کیلاش مانسرور درشن کے لیے جاتے تھے۔ یہ پل بی آر او کے تحت ہے۔ پل کے خراب ہونے کی وجہ سے اب فوجیوں اور سرحدی علاقے کے لوگوں کو بہت ساری پریشانیوں کا سامنا کرنا پڑے گا۔
پل کے گرنے کے سبب بھارت چین سرحد پر تعینات آرمی، ایس ایس بی اور آئی ٹی بی پی کی پولیس چوکیوں پر سامان بھیجنے میں پریشانی ہوگی۔
وہیں وادی ویاس کے سات گاؤں اور وادی چوداس کے متعدد دیہاتوں کے لیے آمد و رفت درہم برہم ہوگئی ہے۔
علاقے کے لوگوں نے مطالبہ کیا ہے کہ فی الحال بیلی پل اور بعد میں اسٹیل گارڈریج پُل تعمیر کیا جائے۔ وہیں حکام کا کہنا ہے کہ بیلی پل 15 دن میں تعمیر کر لیا جائے گا۔
